Lajme Maqedonia e Veriut Politikë

Qytetarët e Maqedonisë do të paguajnë edhe ekzistimin e partive politike

Pas takimit mes Zoran Zaev, kryeministër i Maqedonisë dhe kryetarit të OBRM-PDUKM-së, Hristijan Mickoski, dolën në pah disa vendime nga biseda dhe tentimet për të bërë ndryshime në atmosferën politike në vend.

Kryeministri Zaev pas takimit tha ”Qëllimi i financimit të partive politike në Maqedoni është që të largohet ndikimi i grupeve të fuqishme financiare në partitë politike që deri tani është bërë me donacione dhe ndihma të tjera. Anëtarësimi dhe donacionet vullnetare nga qytetarët jaën edhe nëpër partitë e gjithë botës. Kur do të ketë financim nga shteti atëherë do të thotë se ata mjete do të përdoren më pak nga partitë.” Nga kjo nënkuptohet se për të hequr ndikimin mbi partitë, nga buxheti shtetëror do të paguhet edhe ekzistimi i partive politike.

Zaev paralajmëroi se ky ligj do të rregullohet në komunikim me të gjithë partitë tjera politike në vend por edhe do të bëhen ndryshime tjera në Ligjin për zgjedhje, shkruan Telegrafi Maqedoni.

Sipas paralajmërimeve nga kryetari i OBRM-PDUKM-së merret vesh se kryetarin e Komisionit Shtetëror Zgjedhor do ta merr opozita, kurse pozita do të ketë shumicën në këtë institucion.

Përveç kësaj, Zaev për takimin tha ”Biseduam me kryetarin e OBRM-PDUKM-së rreth bisedimeve me Greqinë për çështjen e emrit. Biseduam për gjithë procesin. Ata qëndrojnë në qëndrimin e tyre. Edhe ne gjithashtu. Në bisedimet për emrin, dy palët do të qëndrojnë në qëndrimet e tyre me vendosshmëri. Vazhdojnë bisedimet dhe në të ardhmen do të përafrohen qëndrimet. Në të ardhmen do të ketë edhe takime tjera mes liderëve. Për ligjin për gjuhët gjithashtu folëm. Edhe pse kemi dallime të mëdha, u morrëm vesh që të krijojmë grupe pune. Ne do ta bëjmë punën tonë, për ne është kushtetues ky ligj ndërsa në fund do të veprojë Gjykata Kushtetuese. Amamandamentet e OBRM-PDUKM-së do të bllokojnë Kuvendin. Për fat të keq nuk patëm ndonjë epilog pozitiv.”

Kurse, nga ana tjetër Hristijan Mickoski tha ”Hapëm shumë tema për funskionimi e shtetit. Folëm për bisedimet për emrin. Nuk ka ndonjë lëvizje nga takimi i fundit. OBRM-PDUKM nuk do të mbështes ndryshim të Kushtetutës. Folëm edhe për Ligjin për gjuhët. OBRM-PDUKM-ja qëndron në atë se ai ligj është kundërkushtetues. Temë tjetër është KSHZ-ja, e cila duhet të kompletohet me stilin e vjetër. është e nevojshme që ky institucion që të kompletohet dhe në ndërkohë do të përpilohet ligji i ri për zgjedhje. OBRM-PDUKM-ja do të ketë kryetarin kurse pozita shumicën në këtë institucion. Terrori politik ndaj opozitës dhe deputetëve tonë është temë që është biseduar gjithashtu. Për kthimin në Kuvend, gjithashtu qëndrojmë në qëndrimet tona. Kur të kompletohemi si grup, do të kthehemi në Kuvend.” /Telegrafi/