Qorrolli: Arbitrazhi është zgjidhja e vetme, Komisioni shtetëror s’ka respektuar asnjë rregull

Analisti politik, Vigan Qorrolli në kohën kur po mbahet debati për demarkacionin me Malin e Zi tha se arbitrazhi është zgjidhja e vetme.

Ai tha se vërehet qartësisht se Komisioni shtetëror nuk e ka respektuar asnjë rregull të ligjit ndërkombëtar.

Lexoni të plotë postimin e Qorrollit në Facebook:

“Arbitrazhi është zgjidhja e vetme.

Vërehet qartësisht se Komisioni shtetëror nuk e ka respektu asnjë rregull te ligjit ndërkombëtar:

– Sepse sovraniteti shtetëror nuk është çështje kadastri;

– Sepse qëllimi kryesor i sovranitetit shtetëror dhe i parimit Uti Possidetis Juris, qe i rregullon kufijtë ndërkombëtar, është qe te siguroje respektimin e kufijve territorial – te cilët kanë ekzistuar në ditën kur Mali i Zi dhe Kosova – janë ndare de jure nga Serbia (21 maj 2006, respektivisht 17 shkurt 2008).

Prandaj, se pari duhet qe te ndodh mosratifikimi në Kuvend i kësaj marrëveshje me këta kufij te ri; rinegocim dhe arbitrazh ndërkombëtar në GjPA, në mënyrë që të caktohet rregullat e njëherë, delimitimit, pastaj te demarkacionit”. /Telegrafi/