Qira: Tregu i patundshmërive në Maqedoni do të stabilizohet

Kompania strugane Trim&Lum është një ndër kompanitë më të mëdha në Maqedoninë e Veriut për ndërtim. Sot kemi biseduar me Arbtrim Qira, si mysaifr në emisionin më të ri të Telegrafi Maqedoni, i udhëhequr nga drejtori Venhar Ramadani, në bashkëpunim me OEMVP-në, i cili është dritare e re për promovimin e bizneseve dhe ndërmarrësve në vend.

Lexo po ashtu Fatmir Etemi: Të rinjtë mos fantazojnë të bëhen milionera brenda nate

Drejtori i Trim&Lum, Qira ka thënë mes tjerash se procesi i ndërtimit tashmë për ta është automatizuar dhe me hapa të caktuar bëhet hapja dhe mbyllja e projekteve në ndërtim.
“Kompania Trim&Lum merret me ndërtimin e objekteve komerciale dhe rezidenciale. Kompania funksionon në atë mënyrë që e nisim projektin, shikojmë të blejmë tokën, bëhet blerja e tokës, bëhet projektimi dhe gjërat tjera më të vogla rreth projektimit, pastaj vjen realizimi dhe normal vjen procesi i shitjes” tha Qira.

Lexo po ashtu Sukseset e kompanisë daneze “JYSK” në Maqedoni, Agron Bexheti tregon planet për të ardhmen

Tek procesi i shitjes së banesave në tregun e patundshmërive, Qira tha se tregu është duke u normalizuar lidhur me çmimet. “Në treg ka shumë banesa, por ka edhe kërkesë për banesa. Ne operojmë në Strugë, Ohër dhe Shkup dhe mundohemi që të jemi pjesë e tregut të përgjithshëm në vend duke shkuar sipas çmimeve dhe rregullave të tregut” ka thënë Qira mes tjerash.

Qira gjithashtu ka thënë se nëpër ndërtesat që i ndërtojnë, mundohen që të sjellin risi por edhe të sigurohen për kualitetin që të jetë maksimal gjatë ndërtimit, njofton Telegrafi Maqedoni.

Lexo po ashtu Mirlinda Nuredini tregon sukseset e kompanisë sllovene “M Sora” në Maqedoni

“Klientët pa dyshim se e vlerësojnë ndërtimin e ndërtesave tona dhe me thënë të drejtën shumicën e banesave ne e kemi shitur vetëm nga sugjerimi i njerëzve që tashmë kanë blerë banesa prej neve më herët. Kjo ndihmon shumë në procesin e shitjes”

Ai gjithashtu ka thënë se kriza e fundit me çmimet ka rritur çmimet e banesave pasi është rritur çmimi i materialeve dhe fuqisë punëtore. “Shpresojmë se këto muaj gjithçka do të kthehet në normalitet”.

Në këtë moment që flisnim për procesin e punës, Qira tregoi se janë duke udhëhequr me 13 projekte për objekte nëpër gjithë Maqedoninë.

“Mungesa e punëtorëve është një ndër problemet tonë më të mëdha. Vijnë punëtor nga Shqipëria, Kosova por edhe nga Turqi. Tregu i punëotrëve e njeh punën tonë” tregon Qira.

Të rinjtë duhet të punojnë shumë për të arritur ëndrrat e tyre dhe shefat të jenë më insistues në qëllimet e tyre, duke mos lënë pas edhe përmirësimin e kushteve të punëtoreve” përfundoi Arbtrim Qira, drejtor i kompanisë strugane për ndërtim Trim&Lum. /Telegrafi/