Qeveria do të ndajë 150 milionë denarë për NP “Rrugët e Maqedonisë”

Ndërmarrja Publike “Rrugët e Maqedonisë” do të marrë 150 milionë denarë me ndryshimet e planifikuara dhe plotësimet e programit për mirëmbajtjen dhe mbrojtjen e rrugëve shtetërore për vitin 2017 dhe programin vjetor për ndërmarrje publike për rrugët shtetërore.

Kjo është vendosur në seancën e djeshme të Qeverisë, e cila shqyrtoi informatë për zgjidhjen e problemeve me ndërmarrjen publike për rrugët shtetërore, përcjell Telegrafi Maqedoni.

“Është marrë vendim që ndërmarrjet të parashtrojnë ndryshime dhe plotësim të programit për mirëmbajtjen dhe mbrojtjen e rrugëve shtetërore për vitin 2017 dhe programin vjetor të NP për rrugët shtetërre që të sigurohen 150 milionë denarë për nevojat e NP “Rrugët e Maqedonisë”, pasi paraprakisht të sigurohen mendime pozitive nga Ministria e Transportit dhe Lidhjeve, Ministria e Financave dhe nga Komisioni shtetëror për anti-korrupsion”, thonë nga Qeveria.

Në seancën e djeshme qeveritare u sollën edhe vendime tjera, si për menaxhimin me krizën e refugjatëve, ndihmë për kompanitë e taksive dhe vendime tjera./Telegrafi/