Muajt dhe javët e fundit, shumë ndërmarrje publike në Kosovë janë përfshirë në greva. Pakënaqësitë e punëtorëve, besohet se janë të akumuluara përgjatë viteve.
Gjatë vitit 2018 përmes grevave e protestave të ndryshme kishin shprehur apo edhe po shprehin pakënaqësitë mjekët, mësimdhënësit, punëtorët e Postës së Kosovës, punonjësit në administratën e gjykatave e prokurorëve dhe minatorët e “Trepçës”.
Arsyet e grevave të punëtorëve të këtyre ndërmarrjeve, përkatësisht kompanive, kryesisht kanë të bëjnë me pakënaqësitë e tyre me pagat dhe shërbimet tjera.
Minatorët e kombinatit “Trepça” janë duke vazhduar grevën në të cilën kanë hyrë të hënën.
Kërkesat e sociale të minatorëve të Trepçës janë njohja e stazhit të benificuar të punës, siguria shëndetësore në punë, rritja e pensioneve dhe disa kërkesa të tjera.
Qazim Jashari menaxher në minierën e Stantërgut në Mitrovicë bën të ditur për Radion Evropa e Lirë se kërkesat e tyre datojnë që nga pas lufta, por, që si të tilla nuk janë realizuar deri më tani.
“Kjo pakënaqësi ka ardhur duke u rritur. Kërkesat e minatorëve janë tani e 19 vjet dhe askush, asnjëra prej qeverive të deritashme, nuk ka tentuar të rregullojë gjendjen. Minatorët janë në gjendje të keqe, ‘Trepça’ është në gjendje të keqe. Minatorët mendojnë që kjo ‘Trepçë’ të rritet, jo të shuhet, mirëpo sipas rrethana që po shkohet ky kombinat po shuhet”, thotë Jashari.
Tani afër dy vjet nga miratimi i Ligjit për Trepçën, institucionet e vendit nuk kanë arritur të përfundojnë të gjitha procedurat të cilat nevojiten për funksionalizimin dhe ringjalljen e këtij kompleksi.
Ndërkaq, përfaqësues të mekanizmave që mbrojnë të drejtat e punëtorëve në Kosovë flasin për gjendjen e rëndë të punëtorëve në përgjithësi.
Avni Ajdini, kryetar i Sindikatës së Bashkuar për Arsim, Shkencë dhe Kulturë thotë për Radion Evropa e Lirë se grevat kanë ardhur si pasojë e pakënaqësive të mëdha që kanë punëtorët me pagat.
“Pas luftës menjëherë ka pasur premtime të mëdha nga partitë politike, por ato nuk janë realizuar dhe si pasojë tani ka ardhur deri të fundi që do të thotë se punëtorët janë në krizë ekonomike dhe ata kërkojnë realizimin e të drejtave të tyre”, thotë Ajdini.
Sipas tij, grevat janë nxitur nga qeveritë për shkak të mospërmbushjes së premtimeve që ata kanë bërë në vazhdimësi.
“Punëtorët i ka nxitur Qeveria që të bëjnë një gjë të tillë, për shkak se Qeveria i ka degraduar dhe nënçmuar. Premtimet kanë qenë të mëdha dhe deri më tani asnjë premtim dhe asnjë marrëveshje që ka qenë ndërmjet Qeverisë dhe BSPK-së, nuk është realizuara nga Qeveria”, thotë Ajdini.
Ndryshe, në një hulumtim të publikuar ditë më parë nga Programi për Zhvillim i Kombeve të Bashkuara (UNDP) thuhet se kënaqshmëria e publikut në institucionet qendrore të Kosovës ka rënë, ndërsa gatishmëria për të protestuar për arsye politike është rritur.
Në raportin e UNDP-së thuhet se papunësia prin me 29 për qind, pasuar nga korrupsioni me 14 dhe varfëria me 8 për qind, si tri çështjet themelore që ndikojnë në mirëqenien e tyre sociale. /REL/ Telegrafi/
Lufta Prigozhin - Putin
Më shumëProplus Call Center po vjen edhe në Gjilan!
Ditët me fat kanë mbërritur në Neptun!
FASAL paraqet inovacionet e reja në Global Albanian Gastronomy Festival
Interes i madh – stoku po shteron! Volvo xc90 me zbritje 20,000€ vetëm për pak blerës të mbetur!
Ekzaminime falas për kancerin e gjirit në Albi Mall më 12 dhe 13 tetor
AKK kërkon ndryshime në Ligjin për tatimin në pronë: Faturat mund të rriten deri në 300 përqind
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Barcelona do të tentojë transferimin e yllit të Bayernit të cilit i skadon kontrata në fund të sezonit
Njihuni me "ishullin parajsë" në Belize, ku çmimi për një shtëpi nuk është i lirë, por ka shumë për të ofruar
Ky është çifti që thuhet se u gjetën të vdekur, të përqafuar nën rrënoja - pas përmbytjeve shkatërruese në Bosnjë
Ukraina nuk do të anëtarësohet në NATO për sa kohë që unë jam në krye të qeverisë sllovake - thotë kryeministri Fico
Ushqimi për FSK-në - flet ministri i Mbrojtjes, Ejup Maqedonci
Tifozët e Man United po kërkojnë shitjen e një lojtari pas paraqitjes së dobët ndaj Aston Villës