Qeveria po përgatit masa për përmirësimin e kushteve në miniera

Pas vizitës së sotme në minierën “Sasa” në Makedonska Kamenicë, ku realizoi takim me udhëheqësinë e minierës, zëvendëskryeministri për çështje evropiane, Koço Angjushev tha se Qeveria është duke përgatitur masa për përmirësimin e kushteve dhe standardit të punëtorëve në sektorin e minierave dhe masa për përkrahjen e kompanive, të cilat do të mund të shfrytëzohen nga kompanitë e Maqedonisë dhe ato të huaja, përcjell Telegrafi Maqedoni.

“Vizita e sotme realizohet me qëllim të bisedimit me udhëheqësinë e minierës “Sasa” në lidhje me aktivitetet aktuale, planet zhvillimore dhe gjendjen e minierës, si një ndër kapacitetet më të mëdha në vend, si dhe për gjendjen e tanishme në të gjitha minierat në Maqedoni. Minierat janë burim i rëndësishëm i të ardhurave në Maqedoni, por sot në veçanti flasim për plotësimin e standardeve dhe normave evropiane në praktikimin e punimeve në minierën “Sasa”, tha Angjushev.

Gjatë vizitës së tij në minierë, zëvendëskryeministri Angjushev e ka informuar udhëheqësinë e minierës “Sasa” edhe për masat e planifikuara ekonomike për përkrahjen e kompanive,

“Ne i informuam në lidhje me masat që do t’i ndërmarrë Qeveria në të ardhmen, që do të shpallen së shpejti dhe kanë të bëjnë me përkrahjen e kompanive vendase, por do të mund ta përdorin edhe kompanitë e huaja në zonat pa tatime doganore dhe këto janë masa nga të cilat do të përfitojë edhe “Sasa”, përfundoi Angjushev./Telegrafi/