Qeveria gjermane ka miratuar një projektligj që propozon një ligj të ri që synon promovimin e rekrutimit vullnetar.
"Një Bundeswehr funksional kërkon një vend funksional", tha ministri gjerman i Mbrojtjes, Boris Pistorius ndërsa prezantoi Aktin e Modernizimit të Shërbimit Ushtarak.
"Një ushtri e fortë - për sa i përket personelit dhe pajisjeve - është mjeti më efektiv për të parandaluar luftërat", shpjegoi Pistorious.
Përpara mbledhjes së kabinetit të së mërkurës, Pistorius përsëriti se shërbimi i ri ushtarak fillimisht do të jetë vullnetar.
Gjermania planifikon të rrisë numrin e ushtarëve të përkohshëm dhe profesionistë në të paktën 260,000 deri në vitin 2035, dhe 460,000 duke përfshirë rezervistët.
Sipas Ministrisë së Mbrojtjes, qëllimi është të rritet forca e personelit të Bundeswehr në përgjigje të kërcënimeve të reja.
Ligji i propozuar tani duhet të miratohet me shumicë në Parlament. /Telegrafi/
