Pyetet nga qytetarët se çfarë e bën Kosovën më të bukur, ambasadori britanik O’Conell: Gruaja ime

Ambasadori britanik në Kosovë, Ruairi O’Connell, ditë më parë ua dha mundësinë ndjekësve të tij në rrjetin social Facebook që t’i parashtrojnë pyetje përbrenda një ore, dhe në të kundërtën ai do të përgjigjej.

Mes shumë pyetjeve lidhur me ngjarjet politike në Kosovë, O’Conell nuk ka hezituar të përgjigjet edhe në pyetjet rreth jetës private apo shijeve të tij personale, si ato të tipit se cilin ekip futbollistik e favorizon.

Kur jemi tek kjo e fundit, O’Connell tha se është tifoz i futbollit anglez, posaçërisht i ekipeve Arsenal dhe Everton.

Lexo po ashtu Analistët flasin për deklaratën e ambasadorit Ruairi O’Connell

Një nga komentuesit i është drejtuar ambsadorit me një pyetje shumë serioze, duke iu shprehur: “Z. Ambasador, a mund të më thuash çfarë e bën Kosovën të bukur?”

Dhe përgjigja e Ruairi O’Connell ka qenë e prerë duke thënë shkurtë: “Gruaja ime”.

Ambasadori O’Connell përndryshe është i martuar me shqiptaren Elida Ramadani, dhe së bashku kanë tre fëmijë: dy vajza dhe një djalë.

Çifti jetojnë prej vitesh në Prishtinë, me ç’rast O’Conell ka pasur mundësinë e ushtrimit të detyrës së tij si ambasador i Britanisë së Madhe prej kaq vitesh në vendin prej nga vjen gruaja e tij. /Telegrafi/