Një grua e moshuar ruse u shpreh e revoltuar ndaj presidentit rus Vladimir Putin pas vdekjes së Alexey Navalnyt, lajmi që tronditi botën.
Siç raportohet, 82-vjeçarja ishte në mesin e shumë qytetarëve rusë që dolën për të demonstruar dhe për të shprehur revoltën pas vdekjes së Navalnyt, transmeton Telegrafi.
“Putini është tradhtar i Rusisë. Qindra mijëra ushtarë tanë janë të vdekur. Ai po vret edhe fëmijët ukrainas”, thoshte gruaja.
“Ne duhet të ngrihemi kundër tij. Jemi 140 milionë banorë. Nuk kam frikë, jam shumë e moshuar për të pasur frikë”.
Ndryshe, autoritetet ruse sot njoftuan vdekjen e kritikut të Kremlinit në koloninë penale ku po mbahej i burgosur.
Reagime të shumta ka pasur nga vendet perëndimore, përfshirë SHBA-në duke fajësuar Putinin për vdekjen e Navalnyt. /Telegrafi/
