Publikohet lista e plotë me rregullat kontroverse për luftën Mike Tyson – Jake Paul

Netflix ka publikuar listën e plotë të rregullave të diskutueshme për ndeshjen e boksit mes Mike Tyson dhe Jake Paul, e cila do të zhvillohet në orët e para të ditës së shtunë (16 nëntor).

Më në fund po ndodh, ‘Iron Mike’ do të hyjë në ring për t’u përballur me Jake ‘The Problem Child’ Paul në një nga ndeshjet më të shumëpritura të boksit të vitit.

Ndeshja u riplanifikua pasi 58-vjeçari Tyson pësoi një frikë shëndetësore në fillim të vitit ndërsa ishte në bordin e një fluturimi për në Los Anxhelos.

Nëse Tyson kalon dy testet përfundimtare mjekësore, këtu është gjithçka që duhet të dini për rregullat.

Lufta do të zhvillohet në stadiumin AT&T në Arlington, Teksas, ndërsa të drejtat e transmetimit i ka Netflix.

Përballja midis Paul dhe Tyson do të duket paksa ndryshe nga ndeshja standarde e boksit, për shkak të disa kushteve.

Çdo raund do të zgjasë për dy minuta, që është më pak se tre minutat standarde që shihni zakonisht në boksin profesionist. Për më tepër, dyshja do të luftojë vetëm për tetë raunde, në vend të 12 të zakonshmeve.

Lexo po ashtu Platforma ku mund ta shikoni duelin e vitit Jake Paul - Mike Tyson

Dallimi tjetër do të jetë dorezat, me të dy boksierët që përdorin doreza më të rënda 400 gramë në vend të atyre 300 gramë. Një dorezë më e rëndë do të thotë se më shumë tronditje do të përthithet nga mbushja e dorezës, në vend të grushtit dhe pikës së kontaktit të luftëtarit kundërshtar.

As Tyson dhe as Paul nuk do të mbajnë mbulesë koke gjatë meçit dhe do të jenë tre gjyqtarët standardë në ring që do të shënojnë çdo raund (nëse nuk ndodh nokaut).

Këto rregulla janë miratuar nga Departamenti i Licencimit dhe Rregulloreve të Teksasit. /Telegrafi/