Kanë kaluar 13-të xhiro në Ligue 1 dhe Paris Saint-Germain nuk ka pësuar humbjen e parë.
Skuadra nga Parisi fitoi pa problem edhe ndaj Monacos me rezultat 0-4.
Edinson Cavani ishte njeriu i ndeshjes, uruguaiani në këtë takim kompletoi het-trikun (4', 11', 54').
Ndërsa në minutën e 63-të nga pika e bardhë shënoi edhe Neymar.
Pas kësaj fitore PSG vazhdon në pozitën e parë në kampionatin elitar francez me 39 pikë (45 gola të shënuar, shtatë të pësuar).
Monaco renditet në vendin 19-të me vetëm shtatë pikë.
Në xhiron e radhës PSG luan me Toulouse, kurse skuadra e Thierry Henry me Caen. /Telegrafi/
