PSG 6-1 Angers, notat e lojtarëve: Neymar me notë maksimale

Paris Saint Germain ka vazhduar me fitore në Ligue 1, teksa ka marrë të katërtën radhazi.

Kampioni në fuqi i Francës ka shënuar fitore të thellë 6-1 në Parc de Princes përballë Angers.

Alessandro Florenzi hapi serinë e golave, ndërsa në listën e realizuesve u futën edhe Julian Draxler, Kylian Mbappe, Gueye dhe braziliani Neymar që realizoi dy gola.

Pikërisht sulmuesi brazilian Neymar në fund është shpallur edhe lojtar i ndeshjes, pasi mori notën maksimale 10 nga WhoScored.

Paraqitje jashtëzakonisht të mirë pati edhe Kylian Mbappe, Julian Draxler dhe dyshja italiane Verratti e Florenzi.

Ndërkohë nota më e ulët në këtë takim ishte 5,3 për mbrojtësin mysafir Ebosse. /Telegrafi/