Pse të ngrënit në shoqërinë e njerëzve të tjerë ndikon në shëndetin tonë

Të ulesh në tavolinë me miqtë dhe familjen të bën më të lumtur dhe natyrisht që kjo ndikon edhe në shëndetin tonë

Këtë fakt e vërtetojnë dy studimet e fundit që kanë treguar se të ngrënit jo vetëm, por me njerëz të tjerë është një zakon që na bën mirë.

Studimi i parë u realizua nga “Minessota University” dhe u botua në revistën “Family, System and Health””, që analizon zakonet dhe ritualet e përditshme të shëndetit në Itali, Gjermani dhe Shtetet e Bashkuara.

Në të morën pjesë mbi një mijë persona nga secili vend. I dyti është një raport i botuar në revistën “Nutrition Research”, i cili analizon studimet që konfirmojnë se si të ngrënit së bashku është një zakon i mirë për shëndetin tuaj, ju bën më të lumtur dhe më pak të stresuar.

Në studimin e parë, të intervistuarit thanë se ishin në humor më të mirë në fund të vakteve që konsumuan në shoqërinë e njerëzve të tjerë dhe e mbajtën këtë gjendje përgjatë gjithë ditës.

Të ngrënit së bashku forcon marrëdhëniet

Sipas dy studimeve, u gjetën lidhje pozitive mes shpeshtësisë së vakteve të përbashkëta dhe forcimit të raporteve sociale. Në Itali, 74% e të intervistuarve thanë se hanë gjashtë ose më shumë vakte në javë me familjen ose miqtë.

Është një zakon i shëndetshëm

Ulja në tavolinë në shoqërinë e njerëzve bën mirë për edhe për trupin tuaj. Sipas, profesorit Francesco Visoli në universitetin e Padovës: “Konteksti social ka ndikim të thellë në sjelljen e të ngrënit.

Kur njerëzit shijojnë një vakt, ata i japin përparësi shëndetit dhe mirëqenies, gjë që favorizohet edhe nga ushqimi i shëndetshëm dhe konsumi i frutave dhe perimeve”.

Kujdes rrjetet sociale!

Por, në gjithë këtë gamë aspektesh pozitive që vijnë nga e ngrëna së bashku me njerëz të tjerë, ju duhet të keni kujdes nga ndërveprimi me telefonin dhe pajisjet elektronike. Fotot, videot, postimet në Instagram janë shpesh sporti i preferuar për njerëzit, por kjo përkeqëson situatën, citon Anabel.

Sipas studiuesve, përdorimi i telefonit gjatë vakteve nuk le kohë për biseda dhe diskutime interesante dhe si pasojë lidhja me personat e tjerë në tavolinë nuk është aq e fortë dhe tërheqëse. /Telegrafi/