Pse qeni i lëpin buzët e veta? A e keni vënë re këtë shprehi?

Një qen që lëpin buzët e veta përdor gjuhën e trupit për t’ju treguar se çfarë po ndjen aktualisht

Lëpirja e buzëve i përket grupit të veprimeve qetësuese te qentë. Nëse qeni percepton diçka që po ndodh rreth tij si një kërcënim, ai do të lëpijë buzët për t’ju dërguar një mesazh shqetësimi.

Nëse qeni në shtëpi ka bërë diçka që nuk i lejohet ta bënte derisa ju nuk ishit atje dhe keni reaguar dhunshëm kur jeni kthyer, ka shumë të ngjarë që ai të lëpijë buzët për të qetësuar situatën, transmeton Telegrafi.

Gjithashtu gjatë stërvitjes, qentë e kanë shprehi të lëpijnë buzët, duke u përpjekur kështu t’i dërgojnë një mesazh trajnerit se nuk e kuptojnë se çfarë kërkohet prej tyre.

Nëse vëreni këtë formë të sjelljes kur stërvitni qenin tuaj, do të ishte mirë të ndaloni stërvitjen. Kur qeni nuk kupton diçka, është i mërzitur dhe nuk është në gjendje të ndjekë udhëzimet tuaja.

Një arsye e tretë e mundshme për lëpirjen e buzëve mund të ketë një bazë shëndetësore.

Nëse qeni vuan nga neveri në stomak, ose ka probleme me dhëmbët dhe mishrat, ka shumë të ngjarë që ai të lëpijë buzët.

Nëse jeni në dyshim për shëndetin e kafshës suaj, këshillohet të konsultoheni me një veteriner.

Lëpija e buzëve konsiderohet si një gjest që parandalon agresionin. Është shenjë se qeni është nën stres dhe kjo mënyrë sjelljeje është përpjekja e tij e parë për të larguar kërcënimin. Nëse përpjekjet e tij dështojnë (dhe ju ende i bërtisni), qeni mund të përdorë sjellje agresive.

Nëse shihni qenin tuaj duke lëpirë buzët tuaja dhe e dini se ai nuk është i uritur, do të ishte më mirë të largoheni prej tij dhe t’i jepni pak hapësirë për t’u qetësuar.

Gjithashtu do të ishte mirë të përpiqeni të zbuloni arsyen e ankthit të tij. Kjo mund t’ju shpëtojë nga një kafshim i mundshëm. /Telegrafi/