Pse kjo orë dore kushton 21 mijë euro?

Prodhuesi finlandez i orëve, Sarpaneva është i njohur për koleksionet dhe dizajnet e pazakonta që duken gotike dhe futuriste në të njëjtën kohë.

Justin Mastine-Frost, një koleksionist orësh dhe drejtor i përmbajtjes dixhitale në revistën Sharp, është gjithashtu një adhurues i orëve të tyre, i cili arriti në përfundimin se damasku, një çelik që përdoret shpesh në prodhimin e thikave, do të funksiononte mirë me orët.

Prodhuesi i thikës në Ontario, Grimsmo Knives u pajtua me të, ashtu si edhe prodhuesi i lartpërmendur i orëve Sarpaneva. Rezultati është ora Sarpaneva Dragonskin Damascus, ora e parë e bërë nga damasku.

View this post on Instagram

A post shared by Sarpaneva Watches (@sarpanevawatches)

Dragonskin Damascus ka një numërues ngjyrë vjollce që me të vërtetë i ngjan lëkurës së dragoit në dizajn. Ora është e bazuar në modelin Sarpaneva K1. Ka një kuti prej çeliku inox që është 42 mm i gjerë, d.m.th. 46 mm nga gozhda në gozhdë dhe është 10 mm i trashë. Për një pamje të rafinuar, ora kombinon metoda të ndryshme të përpunimit të çelikut.

Ora mundësohet nga një kalibër i modifikuar Chronode P1003 dhe funksionon në 4 Hz. Ka 60 orë rezervë energjie. Ora vjen me një rrip Sarpaneva Moonbridge të bërë nga çelik inox 316L.

Për shkak të kostos dhe kompleksitetit të prodhimit, ora është e disponueshme ekskluzivisht për porosi dhe për një kohë të kufizuar. Çmimi i orës është 21 mijë euro. /Telegrafi/

View this post on Instagram

A post shared by Justin Mastine-Frost (@justinmfrost)