Profesori në Ekuador kapet duke filmuar me telefon nën fustan nxënësen

Opinioni në Ekuador është shokuar me një video që së fundmi është publikuar në internet, në të cilën shfaqet një profesor i cili kapet duke e filmuar nën fustan një nxënëse në klasë.

Zyrtarët e arsimit në Los Rios, kanë bërë të ditur se profesori i paemëruar është suspenduar dhe se tani janë duke u zhvilluar hetime për ngacmim seksual, transmeton Telegrafi.

Vendimi për këtë është marrë pas publikimit të videos ku shihet profesori duke e mbajtur të ndezur telefonin nën fustanin e nxënëses, që duket se në ato momente po konsultohej me të për detyra.

Profesori kishte planifikuar gjithçka – pasi fillimisht e përgatit telefonin e ndez kamerën dhe sapo afrohet nxënësja, ai e ul dorën dhe e afron mes këmbëve të saj dhe atë e bën në mënyrën më tinëzare të mundshme.

Mediat lokale raportojnë se departamenti për arsim ka “aktivizuar të gjithë protokollet e nevojshme” për ta quar deri në fund rastin – derisa kanë përkrahur vajzën në çfarëdo forme, duke filluar nga ndihma e deri të mbrojtja e identitetit të saj. /Telegrafi/