Pritet kontraktimi i operatortit të ri ekonomik për rregullimin e problemeve infrastrukturore në Komunën e Gjakovës

Trotuare të prishura, gropa në rrugë e shumë probleme të tjera, vazhdojnë të mbesin ndër shqetësimet kryesore të cilat raportohen nga qytetarët e Komunës së Gjakovës në platfotmën Ndreqe.com.

Pjesa e trotuareve e cila është e dedikuar për ecjen e kalimtarëve, në shumë pjesë të qytetit të Gjakovës është e dëmtuar, ku fillimisht një dëmtim të tillë është raportuar në afërsi të Stacionit të Autobusëve në Gjakovë, ku në këtë zonë gjithashtu gjindet edhe një pjesë e trotuarit e cila sipas raportimeve nga qytetarët është e papërfunduar.

Probleme me trotuaret ekzistojnë edhe rrugën “Tirana”, e cila njihet ndryshe si “Tranziti”, ku një pjesë e trotuarit në këtë pjesë është e dëmtuar. Dëmtime më të rënda të trotuarit vërehen në rrugën “Anton Çetta” , ku përmes fotografive të dërguara nga qytetarët, shihet se ky trotuar në këtë pjesë është pothuajse i pakalueshëm.

Në një pyetje që Telegrafi ka drejtuar në Zyrën për informin në komunën e Gjakovës, se a pritet të bëhet rregullimi i këtyre trotuareve të dëmtuara, pytje në të cilën kemi pranuar këtë përgjigjje : “Intervenimi në rregullimin e trotuareve do të bëhet varësisht nga buxheti që do ta kemi në dispozicion.”

Problem tjetër ekzistues janë edhe gropat që gjinden në disa rrugë të ndryshme në komunën e Gjakovës, ku një nga rrugët e cila është më e dëmtuara është ajo në fshatin Dol, ku vërehet që përveç gropava në këtë pjesë të rrugës, janë krijuar edhe disa çarje.

Një gropë e cila është mjaft e dukshme është edhe ajo në rrugën “Tirana”, e cila vazhdimisht mbulohet me gjëra të ndryshme, në mënyrë që të jetë sa më lehtë e kalushme nga makinat që lëvizin në këtë pjesë.

Një çarje dhe një gropë ekziston në rrugën “Nikollë Kaçorri” në fshatin Firzë, rrugë e cila është një ndër rrugët më të frekuentuara të këtij fshati.

Përveç dëmtimtit të trotuareve në parkingun e Stacionit të Autobusëve në Gjakovë, gjindet edhe një gropë, e cila pengon shoferët që parkohen në këtë lokacion.

Në pyetjen që Telegrafi ka dërguar në Zyrën për informin në komunën e Gjakovës, ku kemi kërkuar të mësojmë se a do të bëhet sanimi këtyre dëmtimeve që ka pësuar infrastruktura në këtë pjesë, në përgjigjjen e tyre thuhet se kontrata ekzistuese për sanimin e rrugëve – gropave me asfalt është përmbyllur në tërësi.

“Kontrata ekzistuese për sanimin e rrugëve – gropave me asfalt është përmbyllur në tërësi, prandaj pasi të zhvillohen procedurat e prokurimit për kontratë të re dhe të kemi një operator ekonomik të kontraktuar do të intervenohet në sanimin e tyre.”, thuhet tujte në përgjigjjen e ZIP në komunën e Gjakovës.

Të dëmtuara janë edhe anësoret e urës e cila gjindet në fshatin Firzë, problem i cili sipas komunës së Gjakovës pritet të rregullohet pasiqë të kontraktohet operatori i ri ekonomik për sanimin e këtij problem.

“Kontrata ekzistuese për sanimin e urave është përmbyllur në tërësi, prandaj pasi të zhvillohen procedurat e prokurimit për kontratë të re dhe të kemi një operator ekonomik të kontraktuar do të intervenohet në sanimin e tyre.”, janë përgjigjur nga ZIP në Komunën e Gjakovës, në pyetjen e Telegrafit se a pritet të inervenohet për rregullimin e anësoreve të kësaj ure.

Qytetarët po vazhdojnë të raportojnë në platformën Ndreqe.com për ankesat që kanë, ku më pas po intervenohet edhe nga organet përgjegjëse.