Presidenti Steven Zhang mbërrin në selinë e Interit, kinezin e pret një agjendë e ngjeshur

Presidenti i Interit, Steven Zhang ka mbërritur në selinë e klubit në Viale della Liberazione dhe ka një mori emërimesh në agjendë.

Zhang u ul në Linate me një aeroplan privat nga Kina dje në mëngjes dhe, siç konfirmohet nga Tuttomercatoweb, mbërriti në selinë e Interit këtë pasdite.

Presidenti do të fillojë diskutimet për të vendosur strategjitë e ardhshme për Interin, pasi kanë kaluar nëpër vështirësi të korporatave gjatë krizës së coronavirusit.

Lexo po ashtu Steven Zhang planifikon të ardhmen e Interit mes pasigurisë ekonomike

Sipas gazetës La Repubblica, e ardhmja e trajnerit Antonio Conte duhet të zgjidhet gjithashtu dhe Presidenti ka planifikuar për nesër (e premte) një takim me ish-teknikun e Juventusit.

Il Giornale raporton se Interi po mendon të ndryshojë sponsorin teknik, pasi marrëveshja aktuale me Nike skadon në vitin 2022 dhe Suning thuhet se ka qenë duke konsideruar një marrëveshje me Adidasin.

👉 #Inter, #Zhang arrivato in sede: giornata importante per il futuro di #Conte e le strategie sul #calciomercato
📹 @Ale_Rimi pic.twitter.com/O84NhQZtLP

— TUTTOmercatoWEB (@TuttoMercatoWeb) April 29, 2021

Në anën tjetër, mediumi La Gazzetta dello Sport raporton se huaja prej 250 milionë eurosh e Suning nuk do të rrisë borxhet e klubit dhe nuk do t’i ndihmojë Nerazzurrët në tregun e transferimeve këtë verë.

Zhang ka mbërritur në Viale della Liberazion pas gati shtatë muajsh për të diskutuar hapat e ardhshëm për klubin. /Telegrafi/