Presidenti i Romës, James Pallotta, ka folur për herë të parë për çështjen e brazilianit Malcom, që kaloi te Barcelona edhe pse klubi romak e kishte zyrtarizuar.
Pallota tha se Roma do ta falë Barcelonën për Malcom vetëm nëse ata ua japin Lionel Messin.
“Dje Barcelona na kërkoi ndjesë për çështjen Malcom, por unë nuk e pranoj”.
Presidenti James Pallotta (Getty Images)
“ Vetëm në rast se na shesin Messin, ndryshoj qëndrim. Malkom dëshironte të vinte në Romë, kishim mbyllur gjithçka, edhe klauzolën prej 120 milionë eurosh për prishjen e kontratës”.
“Nuk ishte firmosur asgjë? Budallallëk, klubet e dinë si funksionojnë gjërat dhe Barcelona bëri diçka aspak etike dhe morale”.
Malcom (Foto: Twitter/FC Barcelona)
“Agjenti i Malcom? Ndoshta është idiot”, ka thënë Pallota.
Ishte pikërisht Roma ajo që e eliminoi Barcelonën në çerekfinale të Ligës së Kampionëve. /Telegrafi/
