Presidenti meksikan shpërndan fotografi interesante, pretendon se shfaqin fantazmën pyjore që ngjan me një kukull

Presidenti meksikan Andres Manuel Lopez Obrador, ka shpërndarë në profilin e tij në Twitter fotografitë, që pretendon se tregojnë një fantazmë pyjore mitologjike që ngjan me një kukull.

“Po shpërndajë dy fotografi; njëra e bërë nga një inxhinier tre ditë më parë që tregon Aluksin dhe tjetra nga Diego Prieto që tregon skulpturat e mëdha parahispanike në Ek Balam. Gjithçka është mistike”, tha presidenti, transmeton Telegrafi.

Një nga fotot që ai shpërndau tregon atë që duket të jetë një figurë mistike në një pemë.

Les comparto dos fotos de nuestra supervisión a las obras del Tren Maya: una, tomada por un ingeniero hace tres días, al parecer de un aluxe; otra, de Diego Prieto de una espléndida escultura prehispánica en Ek Balam. Todo es místico. pic.twitter.com/Tr5OP2EqmU

— Andrés Manuel (@lopezobrador_) February 25, 2023

Megjithatë, shumë argumentojnë se mund të jetë thjesht një degë peme që formon një aureolë flokësh dhe se yjet formojnë sytë e figurës.

Presidenti meksikan është i njohur për shprehjen e respektit për kulturat dhe besimet indigjene.

Sipas besimit tradicional Maja, “Aluks” janë krijesa të vogla, djallëzore që banojnë në pyje dhe fusha dhe priren të bëjnë shaka me njerëzit, si për shembull fshehja e gjërave. Disa njerëz lënë dhurata për t’i qetësuar. /Telegrafi/