Portugalia mobilizon forcat për të vazhduar luftimin e zjarreve

Portugalia vazhdon të mobilizojë forcat dhe burimet e saj për të luftuar zjarret që kanë shpërthyer prej ditësh rreth qytetit perëndimor të Aveiros.

Shërbimet e urgjencës kanë raportuar 90 incidente aktive në Portugali, me 17 zjarre që janë aktive dhe 60 të tjera që po i afrohen fundit.

Zjarri në Pessegueiro do Vouga është ende aktiv me më shumë se 500 zjarrfikës në terren, ndërsa zjarri në Castro Daire “vazhdon të tërbohet me intensitet të madh”, duke i detyruar zjarrfikësit të lëvizin atje ku janë më të nevojshëm, kanë njoftuar shërbimet e urgjencës portugeze.

Zjarri në Arouca është gjithashtu ende aktiv, me më shumë se 230 operativë dhe 71 burime tokësore të dedikuara për shuarjen e tij.

Ai shpërtheu të martën mbrëma dhe ka shkatërruar tashmë rreth dy kilometra të shëtitoreve të Paivas, duke vazhduar të digjet me “intensitet mesatar”.

Bëhet e ditur se Instituti Portugez për Detin dhe Atmosferën (IPMA) ka vënë në dukje një rënie të temperaturës maksimale, shkruan euronews, përcjell Telegrafi.

IPMA ka parashikuar gjithashtu një rritje të lagështisë dhe një reduktim të erës, të gjitha këto të kombinuara pritet të ofrojnë ndihmë të vlefshme për ata që janë në terren duke luftuar zjarret.

Por, pavarësisht ndryshimit të motit, komuna e Penelës, në rrethin e Koimbras, mbetet në rrezik maksimal.

Komuna të tjera vlerësohen gjithashtu si në rrezik të lartë zjarri: Santarem, Coimbra, Leiria, Castelo Branco, Coimbra, Portalegre, Guarda, Aveiro, Braga, Viana do Castelo, Porto, Vila Real, Viseu, Bragança dhe Faro.

Antonio Guterres nuk dyshon se zjarret në Portugali, përveç përmbytjeve që kanë shkatërruar pjesë të Evropës Qendrore, janë për shkak të krizës klimatike.

Duke iu përgjigjur një pyetjeje në portugalisht, Sekretari i Përgjithshëm i OKB-së tha në një konferencë për shtyp se “kriza klimatike është një faktor shumëfishues në të gjitha tragjeditë që po shohim”.

“Është absolutisht e qartë se përkeqësimi i zjarreve në Portugali, përkeqësimi i përmbytjeve në Evropën Qendrore dhe Lindore, përkeqësimi i përmbytjeve në Nigeri, kanë një lidhje të drejtpërdrejtë me përkeqësimin e krizës klimatike”, tha Guterres.

From floods in Central Europe to wildfires in Portugal, weather extremes are leaving a deadly trail of destruction across Europe.

My thoughts are with all those affected.

We need #ClimateAction that matches the scale & urgency of the crisis.

— António Guterres (@antonioguterres) September 18, 2024

Ndryshe, që nga e diela, më shumë se 106,000 hektarë janë djegur në territorin e Portugalisë, kryesisht në veri dhe në qendër të vendit, sipas Copernicus, njësia e Vëzhgimit të Tokës në programin hapësinor të BE-së.

Zjarret deri më tani kanë marrë pesë jetë njerëzish. /Telegrafi/