Portieri i Midtjylland bën gafën e vitit, pëson gol pas vetëm tetë sekondash të pjesës së dytë

Një numër i madh befasish kanë ndodhur mbrëmë (e enjte) në ndeshjet e Ligës së Evropës, ndërsa një prej më interesantëve është parë në Bukuresht ku FCSB ka mundur Midtjylland me rezultat 2-0.

Golat për skuadrën rumune i shënuan Florin Tanase (16’) dhe Daniel Birligea (46’), ndërsa goli i dytë do të jetë objekt i shumë diskutimeve në rrjetet sociale.

Danezët tentuan ta befasojnë rivalin duke kryer një veprim të koordinuar nga qendra, që do të thoshte se topi u dërgua te portieri, dhe të gjithë lojtarët sulmuan fushën e kundërshtarit.

Megjithatë, ekzekutimi shkoi keq pasi portieri Elias Rafn Olafsson priti më shumë seç duhej dhe lojtari kundërshtar iu afrua shumë.

FC Midtjylland unusual kick off as they concede after 8 seconds
byu/Rayan2550 insoccer

Në momentin që tentoi të gjuante topin, ai goditi drejt tij dhe për fatin e tij të keq ai u hodh direkt para portës, ku Birligea vetëm e konfirmoi golin me gjoks.

Ndryshe, pas kësaj fitore, FCSB ka nëntë pikë pas katër xhirove të luajtura dhe është në pozitën e tetë, ndërsa Midtjylland është në vendin e 13-të me shtatë pikë.

Në xhiron e radhës, skuadra rumune pret Olympiacosin dhe Midtjylland do të presë skuadrën e Eintracht Frankfurtit. /Telegrafi/