“Polici i Portokallisë” pa dashje zbulon gjininë e fëmiut të Xhensilës?

Shtatzënia e Xhensilës ishte një ndër temat më të përfolura në mediat online. 

Pasi u publikuan një numër i madh fotosh dhe videosh që vërtetonin se këngëtarja ishte në pritje të një fëmije, ditën e djeshme çifti e mbylli këtë histori, duke e pranuar se së shpejti do të bëhen prindër.

Lajmin e mirë e dha Xhensila bashkë me Besin, ditën e djeshme këngëtarja dhe aktori i njohur i humorit postuan një foto shumë të lezetshme në rrjetin social Instagram.

Gjithsesi, dyshja e njohur edhe pse treguan se do të bëhen prindër, nuk u treguan aq të “mirë” sa të tregonin edhe gjininë e bebit.

Me sa duket edhe kjo e vërtetë u zbulua, Florian Binaj, një ndër aktorët më të njohur të humorit në vend, gjatë një komenti që ka bërë për çiftin në Instagram, ka zbuluar pa dashur gjininë e bebit.

Flori ju ka shkruar çiftit në foton e publikuar në Instagram “Urime Besi e Xhensila. Ardhtë e bekuar”. Me shumë mundësi çifti së shpejti do të bëhen me një vajzë sipas këtyre aludimeve.

Xhensila dhe Besi u martuan në një dasmë tejet luksoze dhe shumë të përfolur nga mediat. /inTv/