Pogba: Nuk kalova te Juventusi për para, kisha mosmarrëveshje me Fergusonin

Paul Pogba duket se është i vendosur t’i qëroj hesapet me Manchester Unitedin.

Mesfushori francez po e kërkon largimin nga Djajtë e Kuq në këtë verë, derisa ka zbuluar se përse ishte larguar në herën e parë nga Old Trafford.

Pogba ka thënë se ai nuk kishte kaluar te Juventusi në vitin 2012 për para, por që kishte mosmarrëveshje me Sir Alex Fergusonin.

“Për mua ka qenë një vendim shumë i vështirë, për shkak të trajnerit dhe të kontratës. Nuk ishte puna të kontrata por të besimi nga trajneri. Edhe pse natyrisht, për mua, ai është trajneri më i mirë në histori”, ka thënë fituesi i Kupës së Botës.

“Kur më kërkuan të nënshkruaj kontratë, nëse nuk do ta nënshkruaja, shumë gjëra do të ndodheshin. Nuk stërvitja, iu ktheva ushtrimeve vetë. Kjo më zemëroi dhe nuk ishte për para. Kur e kisha mundësinë të luaja apo të futesha në këtë ndeshje ndaj Blackburn, këtu m’u thye zemra”, zbuloi ai.

Lexo po ashtu Pogba: Nëna më thoshte gjithmonë se do të kthehesha te Manchester United

“Nuk kishte mesfushorë, ishin të lënduar. Mbrojtësi Rafael dhe Ji-sun Park luajtën në mesfushë dhe unë qëndrova në bankën rezervë. Ne e humbëm ndeshjen. Po ngrohesha nga banka rezervë dhe mendoja se do të futesha në lojë dhe ky ishte një rast i madh për mua. Nuk m’u dha rasti dhe ndodhen gjëra pastaj. Trajneri vendos për gjithçka por ajo ishte dita kur ma theu zemrën”, ka shtuar më tej Pogba.

Duket se francezi edhe tani është në të njëjtën situatë dhe po e kërkon largimin, derisa kërkohet nga Real Madridi e Zonja e Vjetër. /Telegrafi/