Secili prej nesh ka nevojë për dhjetëra vitamina dhe minerale, për të arritur shëndetin optimal.

Por, si mund të mësoni nëse po konsumoni mjaftueshëm?

Marrja e vitaminave dhe mineraleve mund të jetë një çështje sfiduese, për arsyet e mëposhtme:

Numri i madh i vitaminave dhe mineraleve

Më shumë se 31 vitamina thelbësore dhe minerale duhet të konsumohen rregullisht. Por, vështirë se dikush ka kohën për të ndjekur marrjen e saktë të gjithë këtyre vlerave ushqyese.

Dallimet individuale

Ekzistojnë rekomandime standarde për konsum të shëndetshëm te të rriturit, për pothuajse çdo lëndë ushqyese që dimë. Por, këta numra nuk janë plotësisht të besueshëm. Dallimet individuale në lidhje me gjenetikën dhe mjedisin mund të diktojnë kërkesa të ndryshme ushqyese për individë të ndryshëm.

Sidoqoftë, me një mangësi masive ushqyese, ne priremi të mos kemi një shëndet të mirë, që na informon nëse dhe kur na mungon diçka thelbësore.

Si të merrni vitamina dhe minerale të bollshme

Mbani një dietë të ekuilibruar

Gjëja më e mirë që mund të bëni është të hani ushqim të ekuilibruar. Kjo do të thotë të konsumoni një larmi ushqimesh të ndryshme, me theks të veçantë ato që përmbajnë sasi të larta të vitaminave dhe mineraleve. Frutat si mollët, luleshtrydhet dhe portokallet dhe perimet, si brokoli, lulelakra dhe karotat, janë të pasura me vitamina dhe minerale.

Sidoqoftë, ekuilibri ushqyes në secilën specie bimore ka tendencë të favorizojë disa lëndë ushqyese dhe të heqë plotësisht të tjerët. Kjo është arsyeja pse është thelbësore të ndryshoni ato që hani në mënyrë të qëndrueshme.

Merrni shtesa ushqimore

Nëse tashmë jeni duke ngrënë ushqimet e duhura (kryesisht), por doni një mbështetje shtesë, hulumtoni shtesat (suplementet) ushqimore. Ju mund të merrni vitamina dhe minerale për të kompensuar gjithçka që ju mungon posaçërisht, por është më e zakonshme të merrni një multivitaminë të rrumbullakosur mirë.

Diagnostikimi i një problemi

Simptomat fizike

Ju mund të përjetoni simptoma fizike ose mendore bazuar në mungesën tuaj specifike. Për shembull, nëse filloni të humbni flokët, mund të jetë një sinjal i mungesës së hekurit. Nëse keni një ndjesi djegieje në gjuhën tuaj, ose ndjesi shpimi gjilpërash dhe mpirje, kjo mund të tregoj mungesë të vitaminës B12 .

Fatkeqësisht, këto simptoma nuk janë domosdoshmërish një mjet i besueshëm diagnostikues. Një mangësi mund të paraqitet ndryshe në njerëz të ndryshëm.

Kontrollet

Diskutoni zakonet tuaja të ngrënies me mjekun tuaj, si dhe çdo simptomë fizike që mund të përjetoni. Ai ose ajo mund të analizojë zakonet tuaja të ngrënies dhe të sigurojë rekomandime se si të ndryshoni zakonet tuaja në të ardhmen.

Analiza e gjakut

Mënyra e vetme për të qenë plotësisht të sigurt se jeni i mangët në lidhje me një lëndë ushqyese të veçantë është të vlerësoni një mostër të gjakut tuaj. Një test gjaku do t’ju tregojë se cilat vitamina dhe minerale janë të pranishme në sistemin tuaj të qarkullimit të gjakut dhe cilat mund të jenë nën sasinë e rekomanduar.

Adresimi i një mangësie

Nëse zbuloni një deficit në një lëndë ushqyese të caktuar, mund të merrni masa për të rivendosur nivelet tuaja. Në varësi të nevojave tuaja dhe rekomandimit të mjekut tuaj, zgjidhja mund të përfshijë marrjen e një shtese për të rivendosur nivelet tuaja ose mund të kërkojë sasi më të mëdha të një ushqimi të veçantë në dietën tuaj. /Telegrafi/