Piloti i Red Bull u largua nga puna në hapje të sezonit, ai voziti vetëm në dy gara – por kishte rezultate të tmerrshme

Piloti i Red Bull Racing në Formula 1, Liam Lawson do të shkarkohet pas vetëm dy garash të sezonit të ri, në të cilat pësoi një debakli të plotë. 

Lawson, në një nga makinat më të mira, ishte një nga pilotët më të këqij në garat në Australi dhe Kinë, ku ai kurrë nuk e kaloi xhiron e parë (Q1) në kualifikime. 

Në Kinë, Lawson përfundoi i 12-ti në një garë që u kompletua nga 16 pilotë, ndërsa në hapjen e sezonit në Australi, ai përplasi makinën e tij në vijën e finishit të garës, pasi ishte në fund të renditjes gjatë gjithë kohës. 

Drejtuesit e ekipit të Red Bull Formula 1 zhvilluan një takim në Dubai, ku u vendos që Lawson të mos ishte më pilot i skuadrës. 

Siç raportohet nga ESPN, Lawson do të vozisë për ekipin e Racing Bulls për pjesën tjetër të sezonit, i cili në fakt është skuadra e dytë e Red Bull-it, dhe nga atje Yuki Tsunoda do të transferohet në Red Bull Racing. 

Tsunoda ka vozitur në një nivel të lartë për skuadrën e lartpërmendur për disa sezone në Formula 1, dhe tani më në fund do të ketë një shans në Red Bull. 

Tsunoda është vendosur të bëjë debutimin e tij në shtëpi për Red Bull në Japoni, pasi qarku ikonik Suzuka do të presë garën e ardhshme të kampionatit në fundjavën e parë të prillit. 

Yuki Tsunoda will swap seats with Liam Lawson as Max Verstappen’s teammate for next week’s Japanese Grand Prix after a Red Bull meeting in Dubai, according to multiple reports.

They said an official announcement was expected later in the week. pic.twitter.com/reboclA7zy

— ESPN F1 (@ESPNF1) March 25, 2025

Piloti kryesor i Red Bull mbetet kampioni aktual Max Verstappen. /Telegrafi/