Pikëpamjet për botërorin “Katar 2022”

Përgatiti: Lis Gorani

“Katar 2022” pritet të jetë një spektakël, mjaft emocionues dhe i mrekullueshëm duke marrë parasysh se luhet kampionati më prestigjioz në botën e futbollit, pasi zhvillohet çdo katër vite.

Ky spektakël pritet të ketë ballafaqime shumë të forta dhe adrenalinë të pafund, sepse luajnë lojtarët më të fortë të rruzullit dhe mbështeten nga miliona tifozë në Botë.

Kampionati Botëror magjik po mbahet në Katar, vend që ka shpenzuar miliarda euro pasi iu dha drejta nga FIFA për ta mbajtur eventin.

Në këtë kampionat po marrin pjesë 32 kombëtare nga mbarë bota për të na dhuruar emocione të papara ndonjëherë, sepse çdo herë që luhet Kampionati Botëror, kombëtaret sjellin adrenalinë të veçantë tek shikuesit e flaktë të futbollit dhe fansat e tyre!

Franca

Padyshim njëri nga kandidatët kryesor për të triumfuar dhe dhuruar spektakël në këtë kampionat është Franca. ‘Tre kolorët’  janë ekip që dhurojnë emocione të veçanta dhe lojë të bukur dhe të shpejtë.

Franca në vitet e fundit konsiderohet superfuqi e futbollit, por kësaj radhe ka disa mungesa të theksuara si Karim Benzema, N’Golo Kante dhe Paul Pogba, ndërsa askush nuk guxon ta largojë nga lista e kandidatëve edhe pa këto yje.

Gjermania

Allamanët kanë treguar paraqitje jo shumë të mira në Kampionatin Botëror të fundit, por edhe në Ligën e Kombeve, por së fundmi janë këndellur dhe mund të jenë rrezik për cilindo kundërshtarë. A do të përsëritet një Gjermani e 2014-të që doli fituese, mbetet të shihet.

Spanja

Të njohur për lojën e bukur dhe me traditë, futbolli spanjoll të lë mbresa gjithmonë.

Spanjollët njihen për lojën me posedimin e topit, siç njihet ‘tika-taka’ dhe me Luis Enriquen në stol, do të tentojnë që në çdo takim të kenë posedime në fund edhe fitore.

Me një skuadër me emra të rinj, spanjollët do të tentojnë t’i shkojnë në fund.

Brazili dhe Argjentina, dyshja latine kërkojnë rikthimin te lavdia 

Ekipet të cilat vijën nga Amerika Jugore kanë shumë për të treguar. Kjo pasi që kampionët e shumëfishtë nuk e kanë fituar Kupën me vite të tëra dhe ka ardhur koha që Brazili e ndoshta dhe Argjentina të jenë pretendentë kryesorë për të fituar këtë kompeticion.

Brazili i Ronaldos së vjetër e Peles dhe Argjentina e Maradonas dhe Messit, kanë shumë cilësi dhe mund ta dëshmojnë këtë gjë në Katar, ku sytë e fansave të botës janë drejt tyre.

Portugalia e Ronaldos

Kur bën një listë me ekipet e forta, nuk mund të mos e futësh Portugalinë, që në vitet e fundit, falë prezencës së Ronalos, ka treguar gjithmonë rritje.

Me një ekip të talentuar që luajnë në klubet më të mëdha evropiane, Portugalia do të jetë arrë e fortë për të gjithë kandidatët për titull.

Zvicra, befasia e këndshme

Zvicra do të përballet përsëri me Serbinë dhe Brazilin në grup. Zvicranët kanë treguar paraqitje mjaft dinjitoze në vitet e fundit dhe këtë vit ata synojnë befasinë.

Shqiptarët kudo që ndodhën në botë i kanë sytë kah ky ekip, pasi aty janë Granit Xhaka, Xherdan Shaqiri, por edhe i riu Ardon Jashari.

A ka ardhur koha që Zvicra të shkojë më lartë se çerekfinalet, mbetet të shihet. /Telegrafi/