Vetëm katër ndeshje janë zhvilluar në mëngjesin e ditës së premte në NBA.
Ndeshja kryesore e kësaj dite është zhvilluar në TD Garden të Bostonit, ku Celtics ishin nikoqir të Philadphia 76ers.
Ekipi mysafir ka marrë një fitore të ngushtë me gjashtë pikë diferencë 109:115.
Qendra kamerunase Joel Embiid ishte fantastik në këtë sfidë me 38 pikë, 13 kërcime e gjashtë asistime.
Paraqitje të mirë për Philadelphian pati edhe Thobias Harris me 23 pikë, tetë kërcime e shtatë asistime.
Kemba Walker ishte më efikasi tek vendasit me 29 pikë e tetë asistime, por që nuk mjaftuan për fitore.
Për Philadelphian kjo ishte fitorja e 19 derisa kanë edhe shtatë humbje, ndërsa Boston ka 17 fitore e numër të njejtë te humbjeve si kundërshtari i tyre. /Telegrafi/ Rezultatet:
Boston Celtics - Philadelphia 76ers 109:115
San Antnonio Spurs - Cleveland Cavaliers 109:117
Detroit Pistons - Dallas Mavericks 111:122
Denver Nuggets - Portland Trail Blazers 114:99
