Philadelphia 76ers merr fitoren e radhës dhe ngjitet në vendin e parë në Lindje

Philadelphia 76ers ka vazhduar me fitore në elitën e basketbollit amerikan NBA.

Skuadra e udhëhequr nga Doc Rivers ka triumfuar përballë Minnesotta Timberwolves me nëntë pikë epërsi, 122:113.

Ishte një ndeshje shumë e barazpeshuar dhe me fund dramatik, por në çastet vendimtare vendasit treguan koncentrim më të mirë dhe fituan takimin.

Tobias Harris ka qenë fantastik në këtë sfidë me 32 pikë, pesë kërcime e katër asistime, i ndihmuar nga qendra Joel Embiid që shtoi 24 pikë të tjera dhe pati tetë kërcime.

Karl Anthony Towns ishte i mrekullueshëm këtë sfidë për mysafirët, ku e mbylli takimin me 39 pikë e 14 kërcime, por që nuk i mjaftuan për t’i dhënë fitoren skuadrës së tij.

Me këtë triumf, 76ers ngjitet në vendin e parë në Konferencën e Lindjes me 34 fitore e 15 disfata, derisa Timberwolves mbeten të fundit në Konferencën e Perëndimit me 12 fitore e 38 humbje. /Telegrafi/

Rezultatet:

Washington Wizards – Dallas Mavericks 87:109

https://www.youtube.com/watch?v=3Djuvu0OuBw

Detroit Pistons – New York Knicks 81:125

Miami Heat – Cleveland Cavaliers 115:101

https://www.youtube.com/watch?v=yorW4jGnh1g

Philadelphia 76ers – Minnesota Timberwolves 122:113

https://www.youtube.com/watch?v=jEusfm13oVQ

San Antonio Spurs – Indiana Pacers 133:139

Utah Jazz – Orlando Magic 137:91

https://www.youtube.com/watch?v=PszMkOiaU2s

Portland Trail Blazers – Oklahoma City Thunder 133:85

https://www.youtube.com/watch?v=l7ygpmJDnH4

Sacramento Kings – Milwaukee Bucks 128:129