Pesë shenja që tregojnë se ai nuk e sheh të ardhmen me ju

Ndodh që një mashkull nuk dëshiron të përcaktojë një marrëdhënie dhe madje edhe kur e bën, veprimet e tij zbulojnë të kundërtën – ai nuk mendon sinqerisht atë që thotë dhe premton.

Nëse nuk jeni të sigurt se çfarë po bëni me partnerin tuaj, ka shenja të qarta se ai nuk sheh një të ardhme me ju, edhe pse mund t’jua thotë të kundërtën.

Më poshtë janë pesë nga shenjat kryesore që e tregojnë këtë:

Nuk dëshiron ta përcaktojë lidhjen tuaj

Meshkujt që shmangin vazhdimisht këtë temë, nuk janë material i mirë për një lidhje të gjatë. Mund të duket sikur ata po përpiqen të ndryshojnë rrjedhën e bisedës, duke bërë sikur nuk kanë dëgjuar, duke përdorur shprehje të paqarta që janë konfuze…

Edhe nëse e bëjnë këtë sepse nuk janë të sigurt se çfarë duan në jetë, duhet të jenë të sinqertë dhe ta shpjegojnë në atë mënyrë. Më e keqja është kur njëra palë nuk mund të kuptojë se çfarë kërkon pala tjetër nga marrëdhënia. Kjo nuk çon askund tjetër përveç divergjencës.

E përcakton lidhjen, por diçka nuk është siç duhet

Ndodh gjithashtu që një mashkull e përcakton një marrëdhënie, e ndjek atë me veprimet e tij, por veprimet e tij dhe të folurit e trupit të tij zbulojnë të kundërtën, sepse ai me të vërtetë e mendon sinqerisht atë që thotë dhe premton.

Fillon të largohet nga ju

Kur jeni të dashuruar me dikë, me kalimin e kohës, dëshironi të lidheni gjithnjë e më thellë me të. Ju dëshironi të dini gjithçka për të dhe ai duhet të ketë dëshirën të dijë gjithçka për ju, atë që ju pëlqen ose nuk ju pëlqen, si ndiheni dhe gjëra të këtilla. Por, partneri që nuk do lidhje afatgjate nuk kalon aq shumë kohë me ju sa do të prisnit në një lidhje të re, kurse bisedat tuaja nuk thellohen.

Nuk ju prezanton me miqtë apo familjen

Është e natyrshme dhe normale të dëshironi të takoni miqtë dhe familjen e partnerit tuaj, pasi të keni qenë në një lidhje për ca kohë. Gjithashtu është një nevojë normale të dëshironi ta njoftoni dashurinë tuaj me njerëzit e afërt.

Nuk flet për të ardhmen

Është e mrekullueshme të jetosh në momentin e tanishëm, por është e natyrshme të planifikosh gjëra që janë të rëndësishme. Nuk ka pse të jetë diçka e madhe në fillim, mund të jetë planifikimi për të shkuar në një koncert, për të shkuar në një fundjavë bashkë… Nëse ju duket se ai kurrë nuk e planifikon takimin tuaj të ardhshëm ose nuk flet për të para se të mbarojë data, ai mund të mos ketë shumë interesim për ju. /Telegrafi/