Auto Auto Lajme

Pesë gabime që i bëni gjatë ngasjes që as nuk e dini se po i bëni

Para 4 vitesh

Shumë shoferë bëjnë gabime. Këtu, ekspertët zbulojnë ato defekte për të cilat as nuk mund ta dini se jeni fajtor.

Nëse jeni duke vozitur me vite, mund të jetë e lehtë të supozoni se jeni shoferi më i mirë në botë. Por me besim të madh mund të vijë vetëkënaqësia – dhe është e lehtë të lësh aftësitë të rrëshqasin. E vërteta është, ju mund të mos jeni aq perfekt sa mendoni.

Për të zbuluar se si vlerësoheni pas timonit, hidhni një vështrim në listën më poshtë. Kjo listë përshkruan gabimet e zakonshme të bëra nga shoferët, siç identifikohen nga ekspertët e sigurisë rrugore. Gjëja shqetësuese është se shumica prej nesh as nuk e dimë se po i bëjmë, transmeton Telegrafi.

1. Të shpërqendroheni

Mund të jetë joshëse të shikoni një mesazh në telefonin tuaj, të lëshoni muzikë në radio ose të ktheheni për t’i thënë fëmijëve ushqim prapa kur ngisni makinën. Ne mund ti largojmë sytë shpesh për pak sekonda, por gjëra të tmerrshme mund të ndodhin në ato momente të çmuara.

“Largimi i syrit nga rruga, vetëm për një sekondë, për të lexuar një mesazh ose kontrolluar nga kush erdhi një telefonatë mund të ketë rezultate potencialisht fatale”, thotë Adam Beckett i Aviva. “Shumë njerëz nuk e kuptojnë se është shkelje të përdorësh një telefon celular edhe kur një automjet është i palëvizshëm, qoftë makinë e bllokuar në trafik, semaforë ose në anë të rrugës, me motorin të ndezur. Ne do të inkurajonim të gjithë automobilistët që të injorojnë telefonin e tyre derisa të parkohen dhe ta përdorin me siguri”.

2. Mos planifikimi përpara

Ju mund të mendoni se lënia e korsisë tuaj në minutën e fundit është një shprehi jo e mirë. Nick Lloyd, menaxher i sigurisë rrugore (Angli) në Shoqërinë Mbretërore për Parandalimin e Aksidenteve (RoSPA), thotë se ky mund të jetë një gabim i rrezikshëm.

“Ju duhet një ide e mirë se ku po shkoni dhe sa kohë ka gjasa të zgjasë ai udhëtim”, thotë ai. “Nëse jo, ju do të nxitoheni, dhe kjo rrit ndjeshëm shanset tuaja për një përplasje”.

3. Sinjalizimi i dobët në rrethrrotullimet

Të gjithë e dimë bllokimet në rrethrrotullimet. Sinjalizoni djathtas nëse jeni duke dalë nga rrethi, dhe kështu i dërgoni një mesazh të qartë te përdoruesit e tjerë të rrugës për qëllimet tuaja.

Por Lewis thotë se shumë njerëz harrojnë pjesën tjetër të sekuencës: sinjalizimi i majtë kur duan të futeni në rreth.

4. Përdorimi i pamjaftueshëm i pasqyrave

Mos harroni rregullin nga ditët e provimit të makinës: pasqyrë, sinjal, manovër. Lewis thotë se këto shpesh harrohen nga shoferët me përvojë, të cilët as nuk e kuptojnë mungesën e vëmendjes së tyre ndaj pasqyrave.

“Për shembull”, thotë ai, “shumë shoferë nuk shikojnë në pasqyrat e tyre kur janë në trafik për të parë nëse çiklistët ose motoçiklistët po përpiqen ti kalojnë ata”.

5. Mos pirja e mjaftueshme e ujit

Ndoshta gabimi më i habitshëm nga të gjithë. Sepse siç shpjegon Lewis: “Një rënie prej një për qind e hidratimit ka një ndikim masiv në nivelet e përqendrimit. Shumë shoferë nuk e kuptojnë këtë, dhe për këtë arsye nuk pinë pothuajse ujë të mjaftueshëm për t’i mbajtur ata në top formë gjatë gjithë udhëtimit të tyre”. /Telegrafi/