Personi që vrau babanë e Nicki Minaj në një aksident trafiku dënohet me një vit burg

Shoferi që vrau babanë e Nicki Minaj në një aksident trafiku është dënuar me një vit burg dhe i është pezulluar patenta për gjashtë muaj.

Charles Polevich, 71 vjeç, u dënua të mërkurën (3 gusht) pasi u deklarua fajtor për largimin nga skena e një aksidenti dhe manipulimin e provave – të dyja vepra penale – pasi vrau Robert Maraj, 64 vjeç, në një aksident automobilistik në shkurt 2021 në Long Island.

Ai gjithashtu është urdhëruar të paguajë një gjobë prej 5000 dollarësh, shkruan DailyMail.

I moshuari fillimisht u përball me shtatë vjet, por gjykatësi premtoi se nuk do ta dënonte për më shumë se një vit, sipas TMZ.

E veja e viktimës, Carol, u tha gazetarëve se nuk ishte ‘e kënaqur’ me dënimin e planifikuar në atë kohë.

Prokurorët, të cilët kërkuan një dënim nga një deri në tre vjet burg, gjithashtu kundërshtuan dënimin e planifikuar.

Maraj kishte qenë duke ecur në Long Island kur Polevich e goditi. Babai i reperes u dërgua në spital në gjendje të rëndë dhe vdiq të nesërmen.

Polevich, fillimisht doli nga makina e tij, vuri re Maraj të shtrirë në tokë, më pas u kthye pas timonit dhe shkoi në shtëpinë e tij, ku më pas parkoi Volvo-n e tij në garazhin dhe e mbuloi atë, sipas policisë.

Avokati i Polevich, Marc Gann, më parë e quajti goditjen dhe largimi nga vendi i aksidentit “plotësisht jashtë karakterit” për klientin e tij.

Fituesja e çmimit “Grammy”, Minaj – e cila njihet më së shumti për këngët e saj “Super Bass” dhe “Anaconda” – kishte komentuar më parë vdekjen e babait të saj, duke shkruar se ishte ‘humbja më shkatërruese e jetës sime’ në faqen e saj të internetit vitin e kaluar.

Në intervista vite më parë, ajo përshkroi një marrëdhënie të trazuar me të atin. Por më vonë ajo tha se ai kishte ndryshuar. Pas vdekjes së tij, ajo shkroi se dëshironte të merrte telefonin dhe të fliste me të.

Detektivët përdorën video survejimi nga lagjja për të gjurmuar automjetin e përfshirë në përplasjen me vrap në shtëpinë e Polevich në bllokun 160 të rrugës Roselle në Mineola.

Më pas oficerët i ofruan Poleviçit mundësinë që të dorëzohej në selinë e policisë.

Ai u akuzua për largim nga vendi i një aksidenti automobilistik dhe manipulim të provave.

Policia tha se po të kishte qëndruar Polevich në vendngjarje dhe të mos ishte nën ndikimin e drogës apo alkoolit në atë kohë, ai do të kishte shmangur akuzat penale.