Ju bisedoni me një të huaj, ato bëjnë përkthim në kohë reale – a janë këto syzet e së ardhmes?

Vuzix ka lansuar një metodë të cilën po e vlerëson si më të mirën për të komunikuar me dikë që flet një gjuhë tjetër.

Sipas mediave të huaja, përcjell Telegrafi, e disponueshme tani për syzet e tyre të Vuzix Blade Smart është aplikacioni Zoi Meet i transkriptimit në kohë reale, i cili siguron përkthim të menjëhershëm të 12 gjuhëve të ndryshme.

Kjo do të thotë që tani mund të keni një bisedë të rrjedhshme normale me dikë, edhe nëse flisni gjuhë të ndryshme.

“Nevoja për komunikim pa probleme në gjuhë të ndryshme nuk ka qenë kurrë më e madhe. Me këtë bashkëpunim emocionues shënojmë momentin e përparimit në botën e teknologjisë dhe sjellim një vlerë të madhe për përdoruesit tanë duke ofruar një shërbim vërtet praktik në syzet tona”, ka thënë Paul Travers, President dhe Kryeshef Ekzekutiv në Vuzix.

Siç është bërë e ditur, Zoi Meet mund të përkthejë çdo kombinim të gjuhëve vijuese: Anglisht, Spanjisht, Portugalisht, Gjermanisht, Frëngjisht, Italisht, Polonisht, Holandisht, Arabisht, Kinezisht (i thjeshtuar), Japonisht dhe në Gjuhën Koreane.

Aplikacioni funksionon duke transkriptuar fjalët e folura në tekst që më pas projektohen në shfaqjen e kufjeve.

Por aplikacioni Zoi Meet nuk është i rezervuar vetëm për “syzet e mençura” – ai mund të përdoret edhe në pajisje tjera “të mençura”. /Telegrafi/