I përkeqësohet gjendja shëndetësore, Rada Trajkoviq dërgohet me autoambulancë në Prokuple

Rada Trajkoviq, këshilltarja e ministrit për Kthim dhe Komunitete në Qeverinë e Kosovës, Nenad Rashiq, pas gati 24 orësh të ndalimit në postbllokun policor serb  në vendkalimin kufitar në Merdar, gjatë hyrjes nga Kosova në Serbia, është transferuar me autoambulancë në qytetin serb Prokuple për shkak të përkeqësimit të shëndetit të saj.

Lajmin e ka publikuar vajza e saj në llogarinë e Rada Trajkoviqit në Twitter.

“Ekzaminimi tregon shenja të hershme të pneumonisë. Ne ju falënderojmë për mbështetjen tuaj dhe do t’ju mbajmë të informuar për gjendjen e saj”, shkroi ajo në Twitter, transmeton Telegrafi.

Ovu poruku piše ćerka Rade Trajković.

Mama je upravo prebačena sanitetskim vozilom u Prokuplje jer joj je zdravstveno stanje naglo pogoršano. Pregled pokazuje rane znake upale pluća.

Zahvaljujemo vam se na podršci i obaveštavaćemo vas o njenom stanju. pic.twitter.com/91k6Oe7CHV

— Rada Trajkovic (@trajkovic_rada) December 16, 2022

Ndërsa në postimin e saj të fundit në Twitter, para pak orësh, Trajkoviq kishte shkruar se derisa po afrohet nata dhe po bie shi e po bën të ftohtë, ajo po vazhdon të mbahet në postbllokun në Merdar.

“Nata tashmë po afron. Po bie shi. Është e ftohtë. Jemi ende në postbllokun në Merdar. Asnjë burrë shteti në rajon nuk e kryen këtë lloj torture mendore ndaj disidentëve politikë.

Ja në diçka fitove, Vuçiq: Je barbari më i madh antievropian në tokën ballkanike!”, ka shkruar Trajkoviq, në një postim në Twitter.

Rada Trajkoviq është ndaluar dje nga policia serbe në vendkalimin me Kosovën dhe që nga mbrëmë nuk i është lejuar të hyjë në Serbi.

Ajo fillimisht është ndaluar në pikën kufitare mes Kosovës dhe Serbisë, Merdare, më 15 dhjetor, kur ka tentuar të hyjë në Kosovë, dhe sërish pasi ka tentuar të largohet nga ky shtet. /Telegrafi/