A përjetojnë macet pikëllimin dhe a ‘mbajnë zi’ për humbjen e kafshëve tjera

Çka sugjerojnë hulumtimet e reja?

Një studim i ri, i bërë nga universiteti “Oakland” në Michigan, tregoi se macet mund të ndiejnë dhimbjen e humbjes së kafshëve të tjera, duke përfshirë edhe qentë

Studimi i publikuar në “Applied Animal Behavior Science” tregoi se macet mund të ‘mbajnë zi’ për një kafshë tjetër, me të cilën kanë ndarë hapësirën.

Në studim u morën 400 pronarë macesh, të cilët dokumentuan sjelljet e maceve të tjera kur kanë ndërruar jetë macet apo qentë e tjerë.

Sjelljet lidheshin me pikëllimin e humbjes dhe macet kishin tendencën të hanin dhe të luanin më pak.

Bashkëautoret e studimit, Jennifer Vonk dhe Brittany Greene, zbuluan gjithashtu se macet kalonin më pak kohë vetëm, kërkonin vëmendjen e pronarëve, flinin më shumë dhe kërkonin mikun/eshën e ndjerë.

“Për mua, zbulimi më bindës ishte ndryshimi i sjelljeve të maceve në mënyrë të vazhdueshme dhe kjo lidhet me pikëllimin”, u shpreh Vonk.

“Parashikohet që te dhimbja të ndikojnë faktorë si koha e shpenzuar mes kafshëve dhe aktivitetet e përbashkëta që kanë bërë”, shtoi ai.

Vonk tha gjithashtu që ka një keqkuptim të madh mbi karakterin e maceve, të cilat njihen si antisociale, krahasuar me qentë. Megjithatë, dukshëm, ato ndiejnë dhimbjen dhe ndryshojnë në varësi të saj, citon Anabel.

Ky studim i ri për macet do të të bëjë t’i shohësh ato me një tjetër sy. /Telegrafi/