Byroja e Kuvendit ka ndëshkuar me mosmarrje pjesë në Kuvend tre deputetë të Partisë Demokratike dhe një të Partisë Socialiste. Në këtë mënyrë, Byroja vendosi masën disiplinore të pezullimit me 5 ditë nga Kuvendi të deputetëve Edi Paloka, Arben Ristani dhe Roland Keta nga PD-ja dhe Erion Braçe nga PS-ja.
Byroja e Kuvendit u mblodh për të shqyrtuar kërkesën e PD-së, e cila kërkoi pezullimin me 10 ditë të deputetit Erion Braçe, pas debatit me ish-kryeministrin Sali Berisha. Ky i fundit do të jetë sot në Parlament, pasi ndaj tij Byroja dha vetëm masën disiplinore “vërejtje”.
Vendimi i Byrosë së Kuvendit u cilësua i papranueshëm nga nënkryetari i PD-së, Edmond Spaho. Në përfundim të mbledhjes, Spaho tha se Kuvendi toleroi deputetin Braçe duke i dhënë të njëjtën masë disiplinore si deputetëve të tjerë. “Byroja toleron kryeministrin me fjalor të shthurur, toleroi sot edhe Braçen, duke e barazuar me deputetët e tjerë. Braçe ofendoi me fjalor vulgar, e barazuan me të tjerët që replikuan me argumente. Byroja vepron rishtazi me të njëjtat standarde”, ka deklaruar Spaho.
Menjëherë pas vendimit të Byrosë, dhe deputeti Erion Braçe e quajti të padrejtë vendimin, pasi, sipas tij, të fyerit dënohen, dhe ata që fyejnë jo. “Pas 25 vitesh parlamenti pluralist, e 20 viteve të mia në parlament, ndodh se ai që fyen, ai që shan, ai që sulmon, që dhunon, që prish seancat që vret në fund fare, politikisht dhe fizikisht falet përsëri dhe të tjerët dënohen. Kjo është historia për fat të keq e këtij parlamenti në ditët e sotme”, tha Braçe i tensionuar.
Sipas tij, në parlament po legjitimohet një regjim i dhunshëm i kryesuar nga Sali Berisha. “Po t’i referohemi seancës, çdo gjë ka nisur me Arben Ristanin, jam përgjigjur unë, ka vijuar me Sali Berishën, jam përgjigjur unë dhe pastaj ka vijuar me ndërhyrjen e dhunshme të Palokës dhe pas ndërprerjes së seancës ka vijuar me sulmin fizik të një deputeti tjetër. Kjo është e vërteta. Është fare e qartë.
Ajo që më shqetëson pas këtij vendimi ka të bëjë me faktin se në parlament po legjitimohet një regjim i dhunshëm, fyerje, ndaj jetës private. Rregjim që kryesohet nga Berisha. Ky regjim që duhet të merrte frymë tani që parlamenti është në një proces vetëpastrimi ndodh e kundërta, dhunuesi falet dhe gjithë të tjerët të dënohen”, u shpreh deputeti Braçe. Ai tha se nuk do të mbyllë sytë para këtij vendimi të Byrosë paçka se është pjesë e maxhorancës.
“Unë nuk jam brenda maxhorancës apo brenda qeverisë për të pranuar çdo lloj vendimi. Kush është e padrejtë është e padrejtë. Unë këtë e kam thënë edhe kur partia ime ka qenë në pushtet edhe në opozitë. Edhe kur e gjykon Byroja dhe kur secili nga ju e keni të qartë se ç’ndodhi në kuvend. Ka ku të shkojë më që të vijë kreu i grupit parlamentar të PD-së për të qëlluar? Ka ku të qëndrojë më që Berisha të fyejë nga nëna deputetin në sallën e Kuvendit?”, deklaroi deputeti Braçe. Më tej deputeti socialist theksoi se nuk do të tolerojë askënd ta fyejë. “E rëndë për mua si deputet i Kuvendit të Shqipërisë. Nëse vijon historia që t’i legjitimohet Sali Berishës çdo fyerje, kjo Byro do ketë punë pas çdo seance.
Nuk do toleroj asnjë që të adresojë fyerje ndaj meje. Berisha fyeu nga nëna në seancën e kaluar. Ky është ligjërim politik? Sali Berisha shpif. Jam sulmuar nga 2 njerëz që nuk ishin në sallë fare. Ishin në kafen e parlamentit.
Nga ajo sallë nuk ka ngelur shqiptar familjarisht i papërgojuar nga ky njeri”, tha ai. Ndërkohë Braçe ka thënë se në mbledhjen e Byrosë, anëtari i PD-së, deputeti Edmond Spaho e ka kërcënuar. Dhe këtij fakti, Braçe i është përgjigjur: “Në Byro, Spaho kërcënoi që nëse nuk merren masa do ketë përkeqësim në plan personal. Kë kërcënojnë këta?! Në plan personal, kë kërcënon?. Le ta provojë Edmond Spaho dhe kushdo, këtu jam. Nëpër rrugët e Tiranës dal”. /Shekulli/Telegrafi/
Lufta Prigozhin - Putin
Më shumëNga Rubrika
KQZ miraton numrin e kandidatëve për 11 majin: 46 mandate janë në listë të mbyllur
Ahmeti: Miratimi i Ligjit për Fëmijët është antikushtetues dhe kundër Marrëveshjes së Ohrit
Inspektorati Shëndetësor kërkon procedurë disiplinore pas vdekjes së binjakëve të sapolindur dhe mbikëqyrje profesionale në spitalin e Prilepit
AGK njofton vdekjen e gazetares Olga Priadko, ishte strehuar në Kosovë për shkak të luftës në Ukrainë
Vrasja e Liridona Ademajt, më 27 janar nis gjykimi ndaj Naim Murselit dhe tre të akuzuarve tjerë
Me inteligjencën artificiale 'jetësohen' figurat historike shqiptare
Duke shkuar me veturë te mjeku pëson sulm kardiak, vdes një person në Suharekë
Policia në kërkim të një personi në Ferizaj, kërkon ndihmë nga qytetarët për arrestimin e tij
Daut Haradinaj: Kosova nuk mund të presë më për NATO, duhet të veprojmë tani
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Çdo fëmijë e don një xhaketë të re për vit të ri!
25% zbritje në çizmet Adidas Terrex? Zgjate dorën!
Hej djem! Super xhaketa e Adidas tani vjen me zbritje ekskluzive vetëm për ju
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
Më të lexuarat
Gjesti habit me deklaratën: Nëse kam aq shumë fansa, atëherë po ia fus gjumit dhe po e fitoj Big Brother-in
Pas Lojërave Olimpike, hakohen edhe faqet e Bloomberg në Facebook dhe Instagram - publikohet fotografia e Gjestit
Me inteligjencën artificiale 'jetësohen' figurat historike shqiptare
Real Madridi po ia rrëmben Barcelonës top shënjestrën nga dora
Trump deklaroi se Spanja është pjesë e BRICS, reagon qeveria spanjolle
Përfundon dueli i nëntë golave: Nga turpërimi, kalon në ngadhënjim - çfarë Barcelone!