Përgatitjet e fundit për ngritjen e flamurit të Maqedonisë së Veriut si anëtarja e 30-të e NATO-s

Para selisë së NATO-s po bëhen përgatitjet e fundit për ngritjen e flamurit të Maqedonisë së Veriut si anëtarja e 30-të e Aleancës. Të dielën Kuvendi e miratoi Ligjin për mbrojtje, me të cilin janë definuar obligimet të cilat shteti i ndërmerr si anëtare e ardhshme e NATO-s, dhe me të kalohet nga sistemi i mbrojtjes individuale në sistem të mbrojtjes kolektive.

Zëvendëskryeministrja dhe ministre e Mbrojtjes, Radmilla Shekerinska iu falënderua 80 deputetëve në Kuvend të cilët votuan për ndryshimet dhe plotësimet e Ligjit për mbrojtje dhe e uruan ekipin më të gjerë nga MM-ja dhe Armata, i cili e përpunoi në vitin e kaluar.

Me këtë ligj. sqaroi ajo, janë konstatuar të gjitha mekanizmat tonë të brendshëm për praktikim të anëtarësimit n[ë NATO, Sipas Shekerinskës, me Ligjin për mbrojtje do të kalojmë nga mbrojtja individuale, në sistemin e mbrojtjes kolektive, që është, potencoi, edhe përfitimi më i madh i dukshëm nga anëtarësimi në Aleancë.

Ajo theksoi se me Ligjin për mbrojtje tërësisht është rregulluar se si do të zbatohet neni pesë nga Marrëveshja veriatlantike, i njohur si të gjithë për një, një për të gjithë, nen që i obligon anëtaret e Aleancës të mbrojnë njëri-tjetrin dhe e garanton frymën e solidaritetit dhe mbrojtjes kolektive.

Para selisë së NATO-s në Bruksel, informoi ajo, po bëhet hapësira dhe po ngrihet shtiza që e pret flamurin tonë dhe është çështje ditësh se kur flamuri ynë do të qëndrojë barabartë me të gjithë 29 flamujt e tjerë të anëtareve të Aleancës.

Tentimet për manipulim nga ana e opozitës në Kuvend, vlerësoi Shekerinska, nuk ndihmuan në ditët e fundit, por ishin test, nënvizoi mes tjerash, të mos lejojmë kurrfarë alibi për ta parandaluar qëllimin e përbashkët, anëtarësimin
në NATO.

Nuk është i saktë argumenti se opozita ka qenë kundër Ligjit për mbrojtje për shkak të emrit të Armatës, sepse vetë para disa javësh edhe deputetë të OBRM-PDUKM-së votuan për Ligjin për shërbim në Armatën e RMV-së, u
përgjigj Shekerinska në pyetjen e gazetarëve nëse argumenti i vetëm për opozitën e cila dje nuk mori pjesë në votimin e Ligjit për mbrojtje është se po ndërrohet emri i Armatës.

Ajo shtoi se opozita nuk ka mundur të gjejë asnjë gjysmë argument për ta kundërshtuar miratimin e Ligjit për mbrojtje. Zëdhënësja e NATO-s, Oana Lungesku, në profilin e saj në Tuiter e përshëndeti miratimin e Ligjit për mbrojte në Kuvend.

“E përshëndesim miratimin e Ligjit për mbrojtje në Kuvendin e Republikës së Maqedonisë së Veriut. Kjo është sferë e rëndësishme e reformave për shtetin i cili po përgatitet t’i bashkangjitet NATO-s si anëtare e barabartë”, shkroi
Lungesku në Twiter.

Në të njëjtën kohë, në intervistë për TV Telma, zëvendës ndihmësi i sekretarit të përgjithshëm të NATO-s për çështje politike dhe politikë të sigurisë, Xhejms Apaturaj tha se kthimi prapa me Marrëveshjen e Prespës do të ketë
pasoja negative që askush nuk duhet t’i nënvlerësojë.

“Sapo Maqedonia e Veriut të hyjë në NATO, ajo është anëtare e NATO-s. Konsideroj se kjo duhet të jetë mjaft e qartë. Atë herë, ai tren e braktisi stacionin. Por edhe përkundër asaj, mendoj se ka dy implikime të vërteta
nëse ka ndonjë kthim prapa. Njëri është shumë i rëndësishëm – implikimi politik në suaza të kësaj Organizate, sepse gjithsesi inkuadrimi ishte bazuar në zgjidhjen shumë të rëndësishme të çështjes së emrit. Por, gjithashtu, do të
them se ka çmim politik, flas për ne, nuk flas në emër të BE-së, po ai është element thelbësor në progresin e Republikës së Maqedonisë së Veriut drejt BE-së. Dhe mendoj se askush nuk duhet t’i nënvlerësojë pasojat negative
nëse ka kthim prapa nga Marrëveshja e Prespës. mendoj se rruga në të cilën ndodhet tani RMV është ajo me Marrëveshjen e Prespës, me Marrëveshjen për emrin, i tregon të gjitha rezultatet të cilat i presim – anëtarësimin në
NATO dhe shpresoj, dhe pres gjithashtu, përparim edhe drejt anëtarësimit në BE”, porositi Apaturaj.