Përfundon protesta, lëndohet një polic, arrestohen disa studentë (Foto)

(E plotësuar) Ka përfunduar protesta e organizuar nga disa studentë, nga Lëvizja “Studim, Kritikë, Veprim”.

Protesta është përmbyllur pasi përfaqësuesve policia ka lejuar studentët që të vendosin pankartë në derën e kishës serbe në oborrin e UP-së.

Në protestë janë përleshur disa studentë me policë, ku sipas raportimeve nga mediat, një polic është lënduar si dhe disa student janë arrestuar.

Eskalon situata te kisha në kampusin e UP-së, Policia arreston studentë protestues (Foto)

Policia ka arrestuar disa studentë brenda kampusit të Universitetit të Prishtinës, të cilët po synonin vënien e një panoje afër kishës ortodokse serbe, e ndërtuar pa leje gjatë viteve të ’90-a.

Lëvizja “Studim, Kritikë, Veprim” përmes një njoftimit kishte treguar se së bashku me organizata tjera të Parlamentit Studentor të Universitetit të Prishtinës do të kenë një aksion simbolik aty.

Paraprakisht lideri i organizatës studentore “Studim, Kritikë dhe Veprim”, Flamur Pireva ka mbajtur një fjalim ku ka theksuar se nuk do të lejohet kthimi i hijes së regjimit të Sllobodan Millosheviqit përmes asaj kishe.

“Ne i bëjmë thirrje rektorit dhe organieve të UP-së që menjëherë të reagojnë ndaj tendencave për ringjalljen e këtij objekti të ndërtuar gjatë kohës së sundimit fashist të Serbisë”.

“Ne nuk do të lejojmë që përmes kishës ortodokse serbe të na kthehet hija e regjimit të Sllobodan Millosheviqit në Kosovë”, tha ai.

Policia e Kosovës ka rrethuar ambientin duke mos i lejuar studentët që t’i afrohen kishës që njihet si Kisha e Krishtit Shpëtimtar. /Telegrafi/