Përfshihet nga zjarri një depo në Lipjan

E plotësuar: Policia e Kosovës ka konfirmuar për Telegrafin, se rreth orës 05:40 është raportuar për një  objekt të përfshirë nga zjarri në Lipjan.

“Policia menjëherë ka dalë në vendin e ngjarjes, po ashtu  janë ftuar edhe zjarrfikësit me qëllim të menaxhimit të përhapjes së zjarrit.

Nuk raportohet për ndonjë person të lënduar, përveç dëmeve të konsiderueshme materiale”, ka thënë zëdhënësi i policisë, Agron Borovci.

Borovci ka bërë të ditur se aktualisht policia ka nisur ndërmarrjen e veprimeve që konsistojnë në zbardhjen e rrethanave të ngjarjes.​ /Telegrafi/

—–

Në orët e mëngjesit të sotëm një depo në Lipjan është përfshirë nga zjarri.

Zjarrfikësit kanë dalë në vendin e ngjarjes dhe janë duke bërë përpjekje për ta shuar zjarrin.

Në vendin e ngjarjes ka dalë edhe Policia e Kosovës, e cila ka siguruar perimetrin në depon që është duke u djegur.

Telegrafi mëson se kjo depo i takon rrjetit të marketeve SuperViva. Telegrafi do t’ju mbajë të informuar rreth zhvillimeve të mëtutjeshme. /Telegrafi/