Për mbylljen e sezonit dimëror, Zone vjen me duon e famshme rumune

Dimri 2017 dhe pranvera e këtij viti kanë qenë të jashtëzakonshme për klubin më të madh të natës në Kosovë. Por e ngjashme pritet të jetë edhe mbyllja e sezonit dimëror, për t’i hapë rrugë verës së madhe që po vjen.

Sinonimi më i mirë i jetës së natës në Prishtinë, Zone Club më 21 prill përfundon sezonën dimërore, përkatësisht serinë e ndejave që bëhen në Zonën e Vogël që ndodhet në qendër të qytetit. Për mbylljen e sezonit dimëror, dyshja e Praslesh janë qershia mbi torte.

Zone Club, edicioni dimëror që për publikun e vetë solli sezonin dimëror me DJ dhe ndeja që u përmendën gati në gjithë Ballkanin, po i mbyll perdet e dimrit.

Më 21 Prill (e shtunë) duo e DJ-ve nga Rumania, përkatësisht Praslesh dhe Raresh vijnë ta vulosin fundin e sezonit dimëror në Zone Club. Dihet se skena elektronike rumune është zhvilluar furishëm krahasuar me skenat tjera. Këtu patën rol edhe dy DJ që si duo njihen me emrin Praslesh, ku me tingujt e tyre minimal lanë gjurmë dhe kontribuan për ta dërguar skenën rumune përpara.

Të njohur gati në gjithë botën për muzikën e tyre unike, ata e bëjnë secilën publikë për vete duke ofruar tinguj magjik përmes pllakave dhe miksimit të këngëve që kurrë nuk janë bërë publike.

Bashkë me Praslesh, në Zone do të performojnë edhe dy DJ të klasit botërorë, Cesar Merveille dhe Mirko Loko. Partnershipi me Cadenza ka lejuar muzikën e Cesarit, DJ i lindur në Paris, të dominojë në çdo klub dhe çdo skenë që ai performon, ndërsa Mirko Loko vetëm se ka performuar në Zone, dhe ajo natë nuk largohet lehtë nga mendja.

Në sezonën verore Zone Club rikthehet në Fushë Kosovë me hapesirë gjigante e kapacitet për mbi 3,000 persona, për të premtuar netë magjike verore që vetëm në Prishtinë e në Zone dijmë t’i përjetojmë.

Për më shumë rreth ndejës mbyllëse të Zonës dimërore, klikoni këtu