Pendarovski: Nuk e prisja politizimin e rastit me Pendikovin në Ohër

Unë, qeveria dhe Ministria e Punëve të Jashtme bëmë një demarkacion të qartë se cila është kompetenca jonë shtetërore pas rastit në Ohër, të kërkojmë përgjegjësi, por nuk u përpoqëm ta paketojmë atë rast në tërësinë e marrëdhënieve dypalëshe maqedono-bullgare, tha presidenti i Maqedonisë së Veriut, Stevo Pendarovski, në një intervistë për “Telma”.

“Mund të diskutojmë çdo njoftim, unë mund të diskutoj timin në të cilin kam bërë disa elemente, pas njoftimit të PTHP Ohër. Së pari, kam dënuar aktin e dhunës, i cili është i rënduar, sepse djali ka lëndime të rënda trupore. Së dyti, thashë se është sekretar i klubit të bullgarëve në Ohër, sepse PTH Ohër, jo unë apo ti, pretendoi se kështu filloi ngjarja, se i thanë “nuk të vjen turp të shkruhet bullgar”. Kështu që unë po ndiqja atë që thoshte një autoritet zyrtar qeveritar, jo historitë që rrotulloheshin në pazar.

Dhe së fundi, në pjesën e tretë i kam bërë thirrje organeve kompetente që ta zbardhin gjithë rastin dhe fajtorët, nuk po them kush është fajtori, të sanksionohet”, sqaroi presidenti Pendarovski në deklaratën e tij që ia lëshoi publik pas incidentit në Ohër ku u rrah sekretari i përgjithshëm i klubit bullgar “Car Borisi i Tretë”, Hristijan Pendikov.

Ai thotë se në komunikatën e tij nuk ka përzier politikën, as maqedonasit, as bullgarët, por i ka qëndruar informacioneve që i kishte përcaktuar një organ zyrtar shtetëror – Prokuroria Publike.

“Nuk e pashë një gjë të tillë objektivisht nga ana bullgare, ku e gjithë kjo menjëherë, por menjëherë, iu përshtat në narrativën maqedono-bullgare se ai është “rrahur vetëm për hir të asaj” etj. Ishte një politizim i çështjes që, të them të drejtën, nuk e prisja”, theksoi kreu i shtetit.