Pendarovski: Historianët tanë në Komisionin për Çështjet Historike me Bullgarinë, mbrojnë interesat e Maqedonisë

Kryetari i shtetit Stevo Pendarovski beson se anëtarët maqedonas të Komisionit të Përbashkët Multidisiplinar për Çështje Historike dhe Arsimore me Bullgarinë nuk do të pajtohen me asnjë argument “kuazi historik” apo “kuazi-politik”, siç vijnë shpesh nga Sofja.

Pas hapjes së Shkollës Verore të 55-vjetorit të Seminarit Ndërkombëtar për Gjuhë, Letërsi dhe Kulturë Maqedonase në Universitetin “Shën Kirili dhe Metodi” – Shkup, Pendarovski, i pyetur për reagimin e opinionit ndaj rekomandimeve të publikuara të Komisionit Historik, theksoi se muajt e kaluar, pas çdo spekulimi apo gjysmë informacioni që vjen nga Sofja, i gjithë populli në vend ngrihet në këmbët e tij dhe përpiqet të shpjegojë se çfarë do të thotë kjo.

“Fjala është për Rekomandimet për të cilat është rënë dakord para tre vitesh, pas të cilave qëndron e gjithë përbërja e pjesës sonë të Komisionit. Dhe nëse pas shpjegimit të djeshëm të të gjitha atyre rekomandimeve nga pala maqedonase e Komisionit, askujt nuk i është e qartë se këto janë rekomandime që në asnjë mënyrë nuk ndërhyjnë në gjuhën dhe identitetin maqedonas, atëherë për ata njerëz që edhe pas kësaj bëjnë se nuk e kuptoj, nuk ka shpëtim”, tha Pendarovski.

Ai theksoi se nuk ka dyshim tek anëtarët e pjesës maqedonase të Komisionit, jo vetëm sot, por edhe në tri vitet e fundit që kur janë emëruar në atë pozitë, se punojnë për mbrojtjen e identitetit dhe gjuhës maqedonase dhe gjithçka që pason në atë kontekst.

“Nuk kam dyshim as në periudhën e ardhshme se nuk do të pajtohen me asnjë argument kuazi historik apo kuazi politik që shpesh vjen nga Sofja”, theksoi Pendarovski.

Kujtojmë se Komisionet e përbashkëta Historike Maqedoni-Bullgari kanë rënë dakord për disa ndryshime në librat e historisë së të dy vendeve dhe ky informacion krijoi disa reagime kundër në Maqedoni e poashtu edhe në Bullgari.