Pelle zbulon se çfarë i tha Neuer pas ndeshjes

Penalltia e humbur nga sulmuesi italian, Graziano Pelle, në sfidën e mbrëmshme ndaj Gjermanisë hoqi mundësinë për “axurrët” që të thellonin avantazhin, por ajo që bëri xhiron e mediave ndërkombëtare dhe të rrjeteve sociale, ishte gjesti i tij drejtuar portierit gjerman.

Pelle u kap nga telekamerat që transmetonin ndeshjen çerekfinaliste duke i thënë se do t’i shënonte një penallti në formën e “lugës”, por rezultati ishte zhgënjyes.

Italia humbi avantazhin e një penalltie dhe më pas u eliminua nga Gjermania, ndërsa Pelle u bë objekt i ironive në rrjete socile, duke ‘irrituar’ disi edhe italianët me ‘mendjemadhësinë’ e tij.

Lexo më shumë: Njëzet të dashurat më të mira të lojtarëve dhe profilet e tyre në Instagram, në mesin e tyre dhe një shqiptare (Foto)

Një ditë pas ndeshjes, sulmuesi ka kërkuar falje: “Më vjen keq, i kërkoj falje Italisë, njerëzve që më duan dhe juve”, ka thënë ai sipas mediave italiane, transmeton PanoramaSport.

Ndërsa ka shtuar se ishte përgatitur më parë në stërvitje për gjuajtjen e 11-metërshave, duke i realizuar pothuajse gjithmonë.

Pelle rrëfeu edhe një pjesë të fjalëve që i tha portieri Manuel Neuer pas ndeshjes.

• Lexo më shumë: Kjo është bukuroshja hungareze e cila i ka vjedhur zemrën lojtarit më të bukur italian (Foto)

“Nuk doja të ofendoja Neuer. Në fund të ndeshjes erdhi tek unë dhe më tha që je një lojtar i madh. Ju betohem, nuk dua të bëj interesantin, por vetëm se ai lëvizte shumë. Qëllimi im ishte që ta mbaja në qendër pa lëvizur, jo duke e provokuar. Në fakt, kur je në ato fragmente, ka adrenalinë të lartë aq sa edhe ai nuk e kuptoi”, ka thënë Pelle.