PD-ja akuzon PS-në se po fsheh opinionin e Komisionit të Venecias për Olta Xhaçkën, Noka përplasjet me gardistët

Komisioni i Venencias do të mblidhet nesër në seancë për të shqyrtuar kërkesën e kuvendit të Shqipërisë për mandatin e Olta Xhaçkës.

Grupi i PD shprehu shqetësimin se opozita po diskriminohet dhe nuk u bë pjesë e një procesi se iniciativa që kuvendi i është drejtuar komisionit të Venecias është si rrjedhojë e angazhimit të opzoitës në Gjykatën Kushtetuese. Gjithashtu kreu grupi i PD akuzoi opozitën se po fsheh draft-opinionin e Venecias.

“E kam me email nga drejtori i zyrës së komisionit të Venecias, që drafti ju është dorëzuar ju. Deputetët e maxhorancës e kanë draftin, na jepni dhe ne. Meqë ju keni bërë delegacion një partiak. Do na hiqni dhe të drejtën të japim sugjerime e këshilla? Do të përjashtoni opozitën nga ky proces? Nuk ju pëlqen drafti?”, u shpreh Bardhi.

Në përgjigje të tij kryetarja e Kuvendit Elisa Siropali tha se kërkesa do të vihet në dispozicion sapo të mbërrijë.

“Nuk ka asnjë dokument zyrtar të Komisionit të Venecias për të ndarë. Sapo të vijë do ndahet sipas rregullave të Komisionit të Venecias. Shumica nuk ka asnjë draft të komisionit të Venecias. Nesër është seanca, sipas rregullave të tyre bëhet publik. Mos spekuloni, nuk ka asnjë draft për të ndarë, sepse bëhet sipas rregullave të tyre. Do jem në seancë si kryetare e Kuvendit, si kërkesë që kam bërë. Unë ju kam bërë ftesë në çdo vizitë, kam kërkuar edhe prezencë të deputetëve të opozitës. Shpesh kemi marrë përgjigje refuzuese edhe për shkak të situatë politike e prezencës së deputetëve në Kuvend. Do konsultohem nëse ai draft është publik dhe nëse duhet shpërndarë. Kryetari i Kuvendit nuk e ka shpërndarë draftin në grup”.

Ndërkohë, deputeti Flamur Noka është përplasur me gardistët e Kuvendit teksa tentonte të shkonte në foltore. Pas një debati nga vendi me kryetaren Elisa Spiropali, Noka u nis për te foltorja, por u pengua nga gardistët, njërin prej të cilëve e shtyu. Ata u larguan pasi Spiropali tha se e kishte lejuar fjalën e tij.

Në fjalën e tij, Noka akuzoi socialistët se po tentojnë të miratojnë një ligj për faljen e gjobave për ndërtimet pa leje, për të përfituar para zgjedhjeve. “Ju që keni burgosur njerëzit për 5 mijë lek për energjinë elektrike, tani doni t’i falni. Çfarë do t’i thoni familjeve të atyre që kanë vrarë veten për burgun tuaj”, tha Noka.

Sipas socialistëve kjo nismë duhet të mbështetet edhe nga opozita sepse lehtëson jetën e qytetarëve në zonat më të thella. /Telegrafi/