Pasojat e përdorimit të hashashit

Konsumoni hashash? Mos e teproni gjatë! Ky është paralajmërimi i kërkuesve ndërkombëtarë, sipas të cilëve, sa më shumë të konsumosh lëndë narkotike, aq më të vështira do t’i keni marrëdhëniet me të tjerët, si dhe e sigurt është që nuk do të paguheni shumë.

Gjatë studimit janë ndjekur fëmijët që nga lindja e deri në moshën 38-vjeçare, prej të cilëve janë kuptuar se ata njerëz që konsumojnë hashash 4 apo më shumë ditë gjatë javës, me kalimin e viteve përfundojnë në njerëz të kategorive sociale më të ulëta sesa prindërit e tyre, transmeton tch.

Sipas studimit është zbuluar gjithashtu se përdoruesit në vazhdimësi të kanabisit përfundojnë të jenë punëtorë më pak të paguar, me më pak aftësi dhe me vende pune aspak prestigjioze, sesa ata që nuk janë përdorues të rregullt, apo që nuk e përdorin aspak kanabisin.

Vështirësitë financiare, vështirësi në ambiente pune por edhe në marrëdhëniet ndërfamiljare apo shoqërore, janë ato që ndjekin më së shumti jetët e atyre që konsumojnë lëndët narkotike, vështirësi të cilat sa vijnë e përkeqësohen me kalimin e viteve.

Studimi është kryer nga një ekip kërkuesish të udhëhequr prej Magdalena Cerda në Universitetin e Kalifornisë, si dhe Avshalom Caspi dhe Terrie Moffitt nga Universiteti Duke, si dhe është publikuar në gazetën “Clinical Psychological Science”.

“Kanabisi mund të jetë më i sigurt për shëndetin tuaj sesa alkooli, por jo për financat tuaja”, thotë Moffitt, njëri prej autorëve. Sa i përket studimit, 947 pjesëmarrësit kanë kompletuar të paktën 3 nga 5 vlerësimet për kanabis për të rritur, nga mosha 18-38 vjeç, dhe prej tyre, 18% apo 173 janë konsideruar si të varur ndaj marijuanës, ndërsa 15% hynin në kategoritë e përdoruesve të rregullt të kanabisit.