Këngëtari i ri Bejta ka publikuar këngën e tij më të re, të titulluar “Për ty”.
Kjo këngë, e cila është realizuar me muzikë dhe tekst të krijuar nga vetë Bejta, është një tjetër këngë dashurie që pritet të prekë zemrat e dëgjuesve.
Pas suksesit të jashtëzakonshëm të këngës “Lule”, e cila bëri bujë këtë verë dhe u bë virale në rrjetet sociale, Bejta ka vendosur të befasojë fansat e tij me një krijim të ri.
“Lule” ishte një hit që u përhap me shpejtësi dhe u pëlqye shumë nga publiku, duke e vendosur Bejtën në qendër të vëmendjes në skenën muzikore.
Kënga “Për ty” shfaq talentin e Bejtës si këngëtar dhe krijues, duke paraqitur një tekst të ndjerë dhe një melodi të këndshme që lidhet me temën e dashurisë.
Mbetet të shihet nëse “Për ty” do të ketë të njëjtin sukses si “Lule”. Fansat tashmë janë shumë të emocionuar dhe kanë filluar të ndajnë mendimet e tyre pozitive për këngën e re në rrjetet sociale. /Telegrafi/