Pas rrahjes së djalit të Nenad Rashiqit, Rada Trajkoviq i drejtohet Vuçiqit: Me këto metoda po i arrinë fitoret Lista juaj serbe

Kandidatja për deputete në zgjedhjet e 14 shkurtit nga IQ “Za slobodu pravdu i opstanak” (Për liri, drejtësi dhe mbijetesë”, Rada Trajkoviq, ka reaguar lidhur me rastin e rrahjes së djalit të politikanit serb Nenad Rashiq.

Ish-deputetja e Kuvendit të Kosovës, Rada Trajkoviq, ka akuzuar Listën Serbe dhe presidentin serb Aleksandar Vuçiq për incidentin e sotëm në Llaplesellë, ku brutalisht ëhtë rrahur i riu Nikolla Rashiq.

“Djali i Nenad Rashiqit, politikanit opozitar serb nga Kosova, brutalisht është rrahur pranë shkollës në Llaplesellë”, ka shkruar Trajkoviq në një postim në Twitter, përcjell Telegrafi.

Trajkoviq thotë se djali i politikanit serb u sulmua nga 30 persona.

“President Vuçiq shiheni se me çfarë metodash Lista juaj serbe arrinë ‘fitoret’ e saj me 95%”, ka shkruar Trajkoviq.

Sin Nenada Rašića, opozicionog srpskog političara sa Kosova,
brutalno je pretučen ispred škole u Lapljem Selu.

Njega jednog napala je tridesetorica.

Evo predsedniče @predsednikrs @avucic kakvim metodama vaša Srpska lista ostvaruje svoje “pobede” od 95%!https://t.co/Ntnb5BhbV3

— Rada Trajkovic (@trajkovic_rada) February 22, 2021

Ndaj rrahjes së djalit të Nenad Rashiqit ka reaguar edhe Lista serbe, e cila duke dënuar rastin ka kërkuar që këtij rasti të mos i jepen ngjyrime politike.

Ndaj kësaj deklarate ka reaguar Rada Trajkoviq duke e cilësuar si hipokrizi të listës serbe!

“Dje, Presidenti i Serbisë, Vuçiq, personalisht mua dhe Nenad Rashiqi na quajti  ‘tradhtarë’ para medieve. Sot, djali i Nenadit u rrah në mënyrë brutale gjatë daljes nga shkolla, kurse unë u informova se Ministria e Brendshme e Serbisë ma ka hequr mbrojtjen sepse unë nuk jam më ‘e rrezikuar për sa i përket sigurisë’”.

Kakvo licemerje Srpske liste!

Nenada Rašića i mene je juče pred medijima kao “izdajnike” prozvao lično predsednik Srbije Vučić

Danas je Nenadu brutalno pretučen sin na izlasku iz škole a ja sam obaveštena da mi MUP Srbije ukida obezbeđenje jer nisam “više bezbedonosno ugrožena” https://t.co/GsY14iKXeo

— Rada Trajkovic (@trajkovic_rada) February 22, 2021

Edhe e ashtuquajtura Zyrë e Qeverisë së Serbisë për Kosovën ka dënuar dhe ka shprehur shqetësimin e thellë në lidhje me sulmin ndaj Nikolla Rashiqit, djalit të Nenad Rashiqit, në Graçanicë.

Kjo zyrë inkurajon Policinë e Kosovës të identifikojnë dhe ndjekin penalisht autorët e dhunës. /Telegrafi/