Partia qeverisëse e Gjeorgjisë kryeson në zgjedhjet parlamentare – çfarë do të thotë kjo për aspiratën e vendit për anëtarësim në BE?

Partia qeverisëse e Gjeorgjisë po kryeson zgjedhjet parlamentare, e cila shihet gjerësisht si një votë për aspiratën e gjatë të vendit për anëtarësim në BE.

Rezultatet e hershme zyrtare, me 70% të zonave të numëruara, treguan se partia në pushtet Georgian Dream (GD) ka fituar 53% të votave.

Por një bllok i bashkuar i partive opozitare pro-perëndimore kanë shpallur gjithashtu fitoren, duke pretenduar se kishin arritur një shumicë kolektive.

Bëhet e ditur se votuesit në vendin me pothuajse 4 milionë banorë të shtunën u drejtuan drejt qendrave të votimit në një zgjedhje për të vendosur nëse partia gjithnjë e më autoritare GD, e cila ka qenë në pushtet që nga viti 2012 dhe e drejtoi vendin në një kurs konservator larg nga perëndimi dhe më afër Rusia, siguron edhe një mandat katërvjeçar.

Bidzina Ivanishvili, miliarderi në hije, themeluesi i GD, shpalli fitoren menjëherë pas mbylljes së qendrave të votimit, në ato që janë quajtur zgjedhjet më të rëndësishme që nga pavarësia nga Bashkimi Sovjetik në vitin 1991.

“Është një rast i rrallë në botë që e njëjta parti të arrijë një sukses të tillë në një situatë kaq të vështirë – ky është një tregues i mirë i talentit të popullit gjeorgjian”, tha Ivanishvili, i konsideruar gjerësisht si figura më e fuqishme e vendit, shkruan the Guardian, përcjell Telegrafi.

Siç raportohet, nëse projeksioni i zgjedhjeve qendrore mbahet, GD do të sigurojë një shumicë parlamentare, duke penguar shpresat e opozitës për një koalicion pro-perëndimor të katër blloqeve dhe duke penguar në mënyrë efektive aspiratat e vendit për integrimin në BE.

Por, exit poll-et rivale ofruan parashikime krejtësisht të ndryshme: tre treguan se opozita do të siguronte një shumicë, ndërsa një tjetër parashikoi një fitore të rehatshme për partinë GD në pushtet.

Ndryshe, për tre dekadat e fundit, Gjeorgjia ka mbajtur aspirata të forta pro-perëndimore, me sondazhet që tregojnë se deri në 80% e popullit të saj favorizojnë anëtarësimin në BE.

Megjithatë, vitet e fundit, qeveria, e udhëhequr nga partia populiste GD, është larguar gjithnjë e më shumë nga perëndimi në favor të Rusisë, duke treguar hezitim për të dënuar Moskën për pushtimin e saj në Ukrainë.

Partia është akuzuar gjithashtu nga kritikët për planet për ta çuar vendin në një drejtim autoritar pasi Ivanishvili u zotua të ndalojë të gjitha partitë kryesore të opozitës dhe të largojë ligjvënësit e opozitës nëse partia e tij rizgjedhet. /Telegrafi/