Para finales së Copa del Rey, Ernesto Valverde: Sevilla ishte më e mirë në ndeshjen e fundit

Barcelona dhe Sevilla do të takohen gjatë ditës së nesërme në finalen e Copa del Rey.

Takimi mes këtyre dyja skuadrave do të zhvillohet në stadiumin e ekipit të Atletico Madridit.

Para takimit ka folur trajneri i katalunasve, Ernesto Valverde, i cili ka pohuar se lojtarët e kanë obligim të fitojnë pas eliminimit prej Ligës së Kampionëve.

“Gjithmonë është obligim të fiton kur e drejton skuadrën e Barçës. E kemi obligim t’i shpërblejmë me trofeun e parë pas eliminimit prej Ligës së Kampionëve”, tha trajneri spanjoll.

Ai më tutje ka deklaruar se Sevilla u kishte shkaktuar probleme të mëdha në takimin e fundit të kampionatit, ku andaluzianët ishin në epërsi prej dy golave pesë minuta para përfundimit të ndeshjes.

“Kjo është një referencë e qartë dhe një paralajmërim se çfarë mund të jetë loja e së nesërmes, ata kanë një ekip të mirë dhe lojtarë që kanë zgjidhje për situata të caktuara në çdo kohë. Kur kemi luajtur kundër tyre, kemi vuajtur shumë dhe ekipi që ishte më afër fitores ishin ata”, shtoi Valverde.

Ndryshe, takimi mes këtyre dyja klubeve pritet të fillojë rreth orës 21:30 në stadiumin Wanda Metropolitano. /Telegrafi/