Paqëndrueshmëria politike e dëmshme edhe për tekstilin, vazhdon rënia e numrit të punonjësve

“Nëse situata politike thellohet dhe ka zgjedhje të parakohshme parlamentare, biznesi do të pësojë, nuk do të realizohen investimet e planifikuara, as do të shkohet në pushtimin e tregjeve të reja”, paralajmëruan sot punëtorët e tekstilit.

Ato në konferencën për media apeluan që politikanët së pari të mendojnë për shtetin dhe pastaj për partitë. Nëse paqëndrueshmëria rritet dhe shndërrohet në krizë sigurie, paralajmëruan, edhe kjo që sot po punojmë do të zhduket.

“Në situatë të paqëndrueshme politike, asnjë biznesmen nuk vendos të investojë, t’i zgjerojë kapacitetet e tij dhe nuk mendon për tregje të reja. Kompanitë deri në fund të nëntorit duhet t’i parashtrojnë kërkesa për mjetet që vitin e kaluar i kanë investuar, por nëse ka zgjedhje, tërë energjia do të orientohet drejtë procesit, të gjithë do të merremi me politikë, ndërsa do të pësojë biznesi nga i cili presim të mbushen fondet dhe buxheti, për t’i rritur pagesat sociale. Nëse biznesi pëson rënie, do ketë rënie të të gjithë ekonomisë”, ka theksuar kryetari Shoqatës së Industrisë së Tekstilit në Odën Ekonomike, Angel Dimitrov.

Kompanitë e tekstilit në Maqedoni, megjithatë, ende janë atraktive për tregjet profesionale para se gjithash për shkak të afërsisë, serive të vogla, cilësisë së lartë të prodhimeve dhe çmimet solide. Lidhja e marrëveshjeve dhe mbajtja e partnerëve nga vendet perëndimore-evropiane po vazhdon.

Prodhimtaria e tekstilit të Maqedonisë në tetë muajt e parë të vitit në krahasim me periudhën e njëjtë nga viti i kaluar shënon rritje prej 11,2 për qind, ndërsa prodhimi i veshjeve ulje prej 6,7 për qind. Eksporti ka arritur 386 milionë dollarë që është rritje për 14,8 për qind, ndërsa paraqet 9,8 për qind nga eksporti i përgjithshëm i Maqedonisë. Importi megjithatë, ka qenë 382,7 milionë dollarë./Telegrafi/